శ్రీశాంత్ మాట్లాడుతూ
ఈ సందర్భంగా శ్రీశాంత్ మాట్లాడుతూ తన భార్య భువనేశ్వరి కుమారి ‘బిగ్బాస్'కు పెద్ద ఫ్యాన్ అని శ్రీశాంత్ చెప్పాడు. సల్మాన్ అడిగిన ఒక ప్రశ్నకు సమాధానంగా తనకు, తన భార్యకు పదేళ్ల గ్యాప్ ఉందని శ్రీశాంత్ తెలిపాడు. ఆ తర్వాత సల్మాన్ ఖాన్ శ్రీశాంత్ భార్యను వేదిక మీదకు పిలిచారు.
భావోద్వేగానికి లోనైన శ్రీశాంత్
ఈ సమయంలో శ్రీశాంత్ తన భార్య గురించి చెబుతూ భావోద్వేగానికి లోనయ్యాడు. స్పాట్ ఫిక్సింగ్లో తన పేరు వచ్చినపుడు ప్రపంచమంతా తనను అదోలా చూసిందని, తన భార్య మాత్రం తన భాధను మరిపిందని చెప్పుకొచ్చాడు. శ్రీశాంత్ మాటలు విన్న అతడి భార్య స్టేజిపైనే భోరున విలపించింది. దీంతో శ్రీశాంత్ ఆమెకు దగ్గరకు తీసుకుని, తనకు ఇలాంటి భార్య దొరకడం అదృష్టమని చెప్పాడు.
శ్రీశాంత్పై జీవితకాల నిషేధం విధించిన బీసీసీఐ
ఐపీఎల్ 2013 సీజన్లో స్పాట్ ఫిక్సింగ్ కేసుకు పాల్పడిన శ్రీశాంత్పై బీసీసీఐ జీవితకాల నిషేధం విధించిన సంగతి తెలిసిందే. దీంతో శ్రీశాంత్ ఎంటర్టైన్ మెంట్ రంగంలో రెండో ఇన్నింగ్స్ను ప్రారంభించాడు. ఈ క్రమంలో మళయాళంతో పాటు హిందీలు పలు చిత్రాల్లో నటించాడు.
బిగ్ బాస్ 12లో పాల్గొనడానికి ముందు
బిగ్ బాస్ 12లో పాల్గొనడానికి ముందు జలక్ ధికలాజా అనే డ్యాన్స్ రియాలిటీ షోలో కూడా పాల్గొన్నాడు. దీంతో పాటు రాజకీయాల్లో కూడా తన అదృష్టాన్ని పరీక్షించుకున్నాడు. కేరళ అసెంబ్లీ ఎన్నికల్లో బీజేపీ తరుపున తిరువనంతపురం నియోజకవర్గ బరిలో నిల్చున్నాడు. అయితే ఈ ఎన్నికల్లో శ్రీశాంత్ ఓటమి పాలయ్యాడు.