ఛాంపియన్స్ ట్రోఫీకి జహీర్ మిస్?

న్యూఢిల్లీ: దక్షిణాఫ్రికాలో సెప్టెంబరులో జరిగే ఛాంపియన్స్ ట్రోఫీలో ఆడే అవకాశాలు లేవు. ఇది భారత క్రికెట్ కు పెద్ద దెబ్బనే. అతని ఎడమ భుజానికి జెహెన్స్ బర్గ్ ఆస్పత్రిలో భారీ శస్త్రచికిత్స జరిగినట్లు, అతను దాని నుంచి కోలుకోవడానికి ప్రయత్నం చేస్తున్నట్లు తెలుస్తోంది. ఆ గాయం నుంచి జహీర్ ఖాన్ పూర్తిగా కోలుకోవడానికి ఆరు నుంచి ఎనిమిది నెలల కాలం పట్టవచ్చునని అంటున్నారు.

దక్షిణాఫ్రికాలో జరిగిన ఐపియల్ టోర్నీ సమయంలో అతను గాయపడ్డాడు. ఆ సమయంలో అతనికి విశ్రాంతినివ్వడానికి బదులు ఇంగ్లాండులో జరిగిన ఐసిసి ప్రపంచ కప్ లో ఆడించారు. శ్రీలంకలో జరిగే ముక్కోణపు పోటీలకు, ఛాంపియన్స్ ట్రోఫీకి జట్టుకు ఎంపిక చేయడానికి బిసిసిఐ సెలెక్టర్లు ఈ నెల 16వ తేదీన సమావేశమవుతున్నారు.