నైట్ రైడర్స్ ఆటగాడికి గాయం, లీగ్ పాల్గొంటాడనేది...?

కోల్‌కత్తా నైట్‌రైడర్స్‌ జట్టులో 2014 నుంచి:

ఇటీవలే అతని ఎడమ భుజానికి శస్త్ర చికిత్స చేయించుకున్న క్రిస్ లిన్ మళ్లీ అదే చేతికి గాయమవడంతో విశ్రాంతి తీసుకోవాల్సిన పరిస్థితి ఏర్పడింది. అయితే ఎప్పటికల్లా అందుబాటులో ఉంటాడనే విషయం వైద్యులు చెప్పలేకపోతున్నారు. షారూఖ్ ఖాన్ సహ యజమానిగా కోల్‌కత్తా నైట్‌రైడర్స్‌ జట్టులో 2014 నుంచి ఆడుతున్నాడు క్రిస్ లిన్.

కెప్టెన్ ఎవరో తెలియక..!?

రిటెన్షన్ జాబితాలో ఉంచుకోకుండా గౌతం గంభీర్‌ను జట్టు వదిలిపెట్టేసింది. అతనే స్వయంగా నిరాకరించడంతో ఐపీఎల్ వేలంలోనూ కొనుగోలు చేయలేదు. దీంతో జట్టుకు ప్రస్తుత కెప్టెన్ ఎవరనేది ప్రశ్నగా మారింది. ఈ నేపథ్యంలో క్రిస్ లిన్ పేరు పరిశీలనలో ఉంది. ఈ గాయంతో అతను మ్యాచ్‌కు అందుబాటులో ఉంటాడనేది ప్రశ్నగా మారడంతో నైట్ రైడర్స్ జట్టు మళ్లీ ఆలోచనలో పడింది.

ఎడమ భుజానికి ఇటీవలె చికిత్స:

ఆస్ట్రేలియా, న్యూజిలాండ్, ఇంగ్లాండ్ జట్ల మధ్య టీ 20 మ్యాచ్ జరుగుతోంది. బుధవారం ఆక్లాండ్‌లోని ఈడెన్ పార్క్ వేదికగా జరుగుతున్న ఈ మ్యాచ్‌లో తొమ్మిదో ఓవర్లో న్యూజిలాండ్ బ్యాట్స్‌మన్ షాట్ కొట్టాడు. దానిని ఆపేందుకు ప్రయత్నించిన క్రిస్ లిన్ ముందుకు దూకాడు. అదే సమయంలో అతని ఎడమ చేతి మీదుగా బరువుంచి పడటంతో అను గాయానికి గురైయ్యాడు.

నైట్ రైడర్స్ జట్టుకు ఆడడం ఇష్టం:

దీంతో అతను ఇప్పటిలో మ్యాచ్ ఆడేందుకు సరిపడ ఫిట్‌గా లేడంటూ వైద్యులు పేర్కొన్నారు. ఈ ప్రమాదం గురించి క్రిస్ లిన్ స్పందించి ఇలా మాట్లాడారు. 'నాకు క్రికెట్ ఆడటమే ఇష్టం. దాని కోసం దూకాల్సి వచ్చింది. అందుకే అలా చేశా. మా కోల్‌కత్తా నైట్‌రైడర్స్ జట్టులోని క్రీడాకారులందరూ ఒక జట్టుగా కలిసి ఉంటాం' అని పేర్కొన్నాడు.

కోల్ కత్తా నైట్ రైడర్స్:

బెంగుళూరు వేదికగా జనవరి 27, 28 తేదీల్లో జరిగిన వేలంలో క్రిస్ లిన్‌ను కోల్‌కత్తా నైట్ రైడర్స్ కొనుగోలు చేసింది. అతని ప్రస్తుత ఖరీదు రూ. 9.6కోట్లు