సిడ్నీ బౌలర్లను చితకొట్టాడు: 68 బంతుల్లో ఫించ్ సెంచరీ, బద్దలైన రికార్డులివే!

బీబీఎల్‌లో రెండు సెంచరీలు

ఫలితంగా బీబీఎల్‌లో రెండు సెంచరీలు సాధించిన ల్యూక్ రైట్, క్రెయిగ్ సిమన్స్, ఉస్మాన్ ఖవాజా, డి ఆర్సీ షార్ట్‌ల సరసన ఇప్పుడు ఆరోన్ ఫించ్ చేరాడు. అంతేకాదు ఈ సెంచరీతో టీ20ల్లో అత్యధిక సెంచరీలు చేసిన ఆటగాళ్ల జాబితాలో రోహిత్ శర్మ(10)తో కలిసి రెండో స్థానంలో నిలిచాడు. ఈ జాబితాలో క్రిస్ గేల్(22) సెంచరీలతో అగ్రస్థానంలో ఉన్నాడు.

17వ ఓవర్‌లో 22 పరుగులు

సిడ్నీ సిక్సర్స్ బౌలర్ బెన్ ద్వార్షుయిస్ వేసిన ఇన్నింగ్స్ 17వ ఓవర్‌లో ఆరోన్ ఫించ్ ఏకంగా 22 పరుగులు పిండుకున్నాడు. తొలుత 45 బంతుల్లో హాఫ్ సెంచరీ సాధించిన ఫించ్... ఆ తర్వాత సెంచరీ సాధించేందుకు 18 బంతులను మాత్రమే తీసుకున్నాడు. కాగా, టీ20ల్లో అత్యధిక స్కోరు నమోదు చేసిన ఆటగాళ్ల జాబితాలో ఆరోన్ ఫించ్ రెండో స్థానంలో ఉన్నాడు.

టీ20ల్లో ఫించ్ అత్యధిక స్కోరు 172

జింబాబ్వేపై ఆరోన్ ఫించ్ 172 పరుగులు చేసిన సంగతి తెలిసిందే. విండిస్ విధ్వంసకర బ్యాట్స్‌మన్ క్రిస్ గేల్ 2013 ఐపీఎల్‌లో నమోదు చేసిన 175 పరుగులే టీ20ల్లో ఇప్పటివరకు అత్యధిక స్కోరు. ఫించ్ సెంచరీతో చెలరేగడంతో తొలుత బ్యాటింగ్ చేసిన మెల్‌బోర్న్ రెనిగేడ్స్ నిర్ణీత 20 ఓవర్లలో 5 వికెట్లు కోల్పోయి 175 పరుగులు చేసింది.