2017: క్రికెట్‌లో అత్యుత్తమ ట్వీట్స్ ఇవే

హైదరాబాద్: సోషల్ మీడియా... అభిప్రాయాలను స్వేచ్ఛగా వెల్లడించే వేదిక. సోషల్‌మీడియా వేదికలైనా ఫేస్‌బుక్, ఇనిస్టాగ్రామ్, ట్విట్టర్‌ వచ్చిన తర్వాత ఒక్క ట్వీట్‌ లేదా పోస్ట్‌తో తమ అభిప్రాయాలను తెలియజేస్తున్నారు. ముఖ్యంగా ఈ సోషల్ మీడియా వేదికలు క్రికెటర్లను తమ అభిమానులకు మరింత చేరువయ్యేలా చేశాయనడంలో ఎటువంటి సందేహాం లేదు. ప్రతి విషయాన్ని ఒక్క ట్వీట్‌తో తెలియజేస్తూ అభిమానులను అలరిస్తున్నారు.

అభిమానుల సైతం తమ భావాలను రీట్వీట్ల రూపంలో క్రికెటర్లకు తెలియజేసేందుకు ఇవి సరైన వేదికలుగా ఉపయోగపడుతున్నాయి. అయితే ఈ ఏడాది ట్విట్టర్‌లో ట్రెండ్ అయిన కొన్ని ట్వీట్ల గురించి తెలుసుకుందాం. మహేంద్ర సింగ్ ధోని అనూహ్యంగా కెప్టెన్సీ బాధ్యతల నుంచి తప్పుకున్నప్పుడు కోహ్లీ చేసిన ట్వీట్‌, న్యూజిలాండ్‌ క్రికెటర్‌ రాస్‌ టేలర్‌, టీమిండియా డాషింగ్‌ ఓపెనర్‌ వీరేంద్ర సెహ్వాగ్‌ల మధ్య జరిగిన ధర్జీ సంభాషణ ట్వీట్లు సోషల్ మీడియాలో తెగ వైరల్ అయ్యాయి.

వీటితో పాటు ఛాంపియన్స్ ట్రోఫీ సందర్భంగా టీమిండియా మాజీ కెప్టెన్ మహేంద్ర సింగ్ ధోని పాకిస్థాన్ కెప్టెన్ సర్ఫరాజ్‌ కుమారుడితో దిగిన ఫోటోపై జర్నలిస్టు రాజ్‌దీప్‌ సర్ధేశాయ్‌ చేసిన ట్వీట్‌ ఎంత పెద్ద వైరల్ అయిందో చెప్పాల్సిన పని లేదు. ఇక, మహిళా క్రికెటర్‌ జులన్‌ గోస్వామి, పాక్‌ మహిళా క్రికెటర్‌తో దిగిన ఫోటో అభిమానులను ఆకట్టుకుంది.

భారత పర్యటనలో భాగంగా అస్సాంలో ఆస్ట్రేలియా క్రికెటర్ల బస్సుపై రాయి దాడి జరిగినప్పుడు ఆ దేశ క్రికెటర్‌ హెన్రీక్స్‌ చేసిన ట్వీట్‌.. తలా ఈజ్ బ్యాక్ అంటూ ధోనితో ఉన్న ఫోటోని చెన్నై సూపర్‌ కింగ్స్‌ చేసిన ట్వీట్‌ సైతం వైరల్ అయింది. ఈ ఏడాది చివర్లో విరుష్క పెళ్లి ప్రకటన ట్వీట్‌ ఏకంగా ఈ సంవత్సరంలో గోల్డెన్‌ ట్వీట్‌గా నిలిచింది.

తెలుగులో అన్ని క్రీడావార్తల కోసం 'మై-ఖేల్ తెలుగు'ను ఫేస్‌బుక్, ట్విటర్ , గూగుల్ ప్లస్‌లో ఫాలో అవ్వండి.