'స్టీవ్ స్మిత్, విరాట్ కోహ్లీలకు పెద్ద అభిమానిని'

స్టోక్స్ మాట్లాడుతూ

ఓ జాతీయ పత్రికకు ఇచ్చిన ఇంటర్యూలో బెన్ స్టోక్స్ మాట్లాడుతూ "కోహ్లీ, స్మిత్‌ అద్భుతమైన ఆటగాళ్లు. ఎన్నోసార్లు ప్రత్యర్థులుగా తలపడ్డారు. వీరి ఆటను గమనిస్తే మిగతా ఆటగాళ్ల కన్నా ఎంతో సులభంగా ఆటను తమవైపుకి తిప్పుకుంటారు. వారిద్దరి బ్యాటింగ్‌ శైలి భిన్నమే... కానీ గెలుపు కోసమే ఆడతారు" అని అన్నాడు.

కోహ్లీ, స్మిత్ క్రికెట్‌ ఆడటాన్ని చూసి ఆస్వాదిస్తా

కోహ్లీ, స్మిత్ క్రికెట్‌ ఆడటాన్ని చూసి ఆస్వాదిస్తానని... వారికి నేను పెద్ద అభిమాని అని బెన్ స్టోక్స్ పేర్కొన్నాడు. ఇక, ఇంగ్లాండ్ జట్టు గురించి స్టోక్స్‌ మాట్లాడుతూ "గత మూడు, నాలుగేళ్లుగా మా క్రికెట్‌తో ప్రపంచకప్‌నకు మేం ఫేవరెట్‌గా గుర్తింపుపొందాం. ప్రపంచ నెంబర్ వన్ జట్టంటే అన్ని టోర్నీల్లోనూ ఫేవరెట్‌గానే అడుగుపెడుతుంది" అని తెలిపాడు.

అప్పటితో పోలిస్తే ఇప్పుడు మెరుగయ్యాం

"ఆస్ట్రేలియా, భారత్‌ కూడా చక్కటి ఫామ్‌లో ఉన్నాయి. ఈ మెగా టోర్నీలో గెలవాలనే బరిలోకి దిగుతున్నాం. 2017 ఐసీసీ ఛాంపియన్స్‌ ట్రోఫీలో పాక్‌తో మ్యాచ్‌లో రూపొందించిన వికెట్‌ మా క్రికెట్‌ శైలికి అనుకూలంగా లేదు. దీంతో ఆ ఓటమి నుంచి మేం నేర్చుకొని అలాంటి పరిస్థితుల్లో ఎలా ఆడాలో తెలుసుకున్నాం. అప్పటితో పోలిస్తే ఇప్పుడు మెరుగయ్యాం" అని స్టోక్స్‌ అన్నాడు.