ఆ పరుగులు మాకొద్దు!: అంపైర్ వద్దకు వెళ్లి బెన్ స్టోక్స్ క్రీడాస్ఫూర్తి

బంతి బౌండరీని తాకితే రూల్ ప్రకారం

"అదే బంతి బౌండరీని తాకితే రూల్ ప్రకారం అంఫైర్ బౌండరీగానే ప్రకటిస్తాడు. ఈ విషయంలో మనం ఏమీ చేయలేం. అదే బంతి నేరుగా బౌండరీకి చేరితే నిబంధనల ప్రకారం నాలుగు పరుగులు వస్తాయి. మైకెల్‌ వాన్‌తో మాట్లాడినప్పుడు నాకీ విషయం తెలిసింది. బెన్ స్టోక్స్ అంఫైర్ వద్దకు వెళ్లి 'అదనంగా వచ్చిన నాలుగు పరుగులను తొలగించండి, ఆ పరుగులు మాకొద్దు' అని చెప్పినట్లు తెలిపాడు. కానీ నిబంధనల్లో అలా ఉంది మరి. ఐతే బ్యాట్స్‌మన్‌కు బంతి తగిలి బయటకు వెళితే డెడ్‌బాల్‌గా పరిగణించాలని చాలా రోజులుగా ఆటగాళ్లు మాట్లాడుకుంటున్నారు" అని ఆండర్సన్ అన్నాడు.

అసలేం జరిగింది?

కివీస్ నిర్దేశించిన విజయ లక్ష్యాన్ని చేధించే క్ర‌మంలో ఇంగ్లండ్‌కు చివ‌రి ఓవ‌ర్‌లో.. ఓవ‌ర్‌త్రో రూపంలో ఆరు ప‌రుగులు వ‌చ్చాయి. ఇదే, న్యూజిలాండ్ ఓటమికి కారణమైంది. ఇంగ్లాండ్ విజయానికి ఆఖరి ఓవర్‌ చివరి మూడు బంతులకు గాను 9 పరుగులు అవసరమయ్యాయి. అప్పుడు ట్రెంట్‌బౌల్ట్‌ బౌలింగ్‌ చేయగా బెన్‌స్టోక్స్ డీప్ మిడ్ వికెట్ దిశగా బాది రెండు ప‌రుగులు తీశాడు.

రెండో పరుగును కోసం ప్ర‌య‌త్నించి

రెండో పరుగును కోసం ప్ర‌య‌త్నించిన స‌మ‌యంలో బెన్ స్టోక్స్ కీపర్ ఎండ్‌కు వెళ్తూ రనౌట్ నుంచి తప్పించుకోవ‌డానికి క్రీజులోకి డైవ్ చేశాడు. న్యూజిలాండ్ ఫీల్డర్ నుంచి వచ్చిన బంతి స్టోక్స్‌కు తగిలి బౌండరీకి తరలింది. దీంతో ఆ బంతికి మొత్తం ఆరు పరుగులు వచ్చాయి. స్టోక్స్, రషీద్‌ చేసిన 2 పరుగులతో కలిపి అంపైర్‌ ధర్మసేన దానిని 6 పరుగులుగా ప్రకటించాడు.

సూపర్ ఓవర్ కూడా టైగా!

దీంతో ఇంగ్లాండ్ సైతం నిర్ణీత 50 ఓవర్లలో 241 పరుగులే చేయడంతో మ్యాచ్ టైగా ముగిసింది. దీంతో మ్యాచ్ సూపర్ ఓవర్‌కు దారి తీసింది. ఈ సూపర్ ఓవర్‌లో తొలుత బ్యాటింగ్ చేసిన ఇంగ్లండ్ ఆరు బంతుల్లో 15 పరుగులు చేసింది. అనంతరం 16 పరుగుల విజయలక్ష్యంతో బరిలోకి దిగిన న్యూజిలాండ్ సైతం ఆరు బంతుల్లో వికెట్ నష్టపోయి అదే 15 పరుగులు చేసింది. దీంతో సూపర్ ఓవర్ కూడా టై అయింది. చివరకు బౌండరీలు ఆధారంగా ఇంగ్లాండ్‌ను విశ్వవిజేతగా ప్రకటించారు.