తప్పతాగి ఓ వ్యక్తిపై దాడి: బెన్ స్టోక్స్ అరెస్ట్, రాత్రంతా జైల్లో

స్టోక్స్‌ దాడి చేసిన వ్యక్తికి తీవ్ర గాయాలు

స్టోక్స్‌ దాడి చేసిన వ్యక్తికి తీవ్ర గాయాలైనట్లు సోమర్సెట్‌ పోలీసులు వెల్లడించారు. 'బాధితుడిని చికిత్స కోసం ఆస్పత్రికి పంపించాం. ఈ ఘటనకు కారకుడిగా భావిస్తూ ఒక 26 ఏళ్ల వ్యక్తిని అరెస్ట్‌ చేశాం. ప్రస్తుతం బెన్ స్టోక్స్‌ని విడుదల చేసినా విచారణ మున్ముందు కొనసాగుతుంది' అని పోలీసులు వెల్లడించారు.

బ్రిస్టల్‌లోని ఓ నైట్‌క్లబ్‌లో

వెస్టిండీస్‌తో మూడో మ్యాచ్‌ జరిగిన తర్వాత బ్రిస్టల్‌లోని ఓ నైట్‌క్లబ్‌కి బెన్‌స్టోక్స్‌, అలెక్స్‌ హేల్స్‌ వెళ్లారు. ఆ రాత్రి అక్కడ ఓ వ్యక్తితో గొడవ జరిగింది. రోడ్డుపై ముఖంపై గాయాల పాలై రోడ్డుమీద పడున్న వ్యక్తిని పోలీసులు ఆసుపత్రిలో చేర్పించారు. అతడి సమాచారం మేరకు స్టోక్స్‌ను అరెస్టు చేశారు. విచారణ తర్వాత ఎలాంటి చార్జ్‌ లేకుండా వదిలేశారు.

నేరం రుజువైతే కనీసం ఐదేళ్ల జైలు శిక్ష

ఈ కేసులో నేరం రుజువైతే బెన్ స్టోక్స్‌కు అక్కడి చట్టాల ప్రకారం కనీసం ఐదేళ్ల జైలు శిక్ష పడుతుంది. బెన్ స్టోక్స్, అలెక్స్ హేల్స్‌ కోచింగ్‌ క్యాంప్‌కు హాజరు కాలేదంటూ ఈ ఘటనను నిర్ధారించిన ఇంగ్లండ్‌ క్రికెట్‌ బోర్డు డైరెక్టర్‌ ఆండ్రూ స్ట్రాస్‌ వీరిద్దరిని బుధవారం జరిగే నాలుగో వన్డే నుంచి తప్పిస్తున్నట్లు ప్రకటించారు.

ఇలా ప్రవర్తించడం ఇదే మొదటిసారి కాదు

అయితే స్టోక్స్ ఇలా ప్రవర్తించడం ఇదే మొదటిసారి కాదు. 2012లో తప్పతాగి రాత్రంతా గొడవ చేయడంతో పోలీసులు అరెస్ట్‌ చేసి హెచ్చరికతో వదిలి పెట్టారు. 2014లో మత్తులో లాకర్‌పై పిడిగుద్దులు గుద్ది చేతిని గాయపర్చుకున్నాడు. ఈ కారణం చేత టి20 వరల్డ్ కప్‌కు దూరమయ్యాడు.