BCCI: ప్రపంచంలోనే రిచెస్ట్ బోర్డు.. కానీ ఆ జాబ్ ఇచ్చినా ముగ్గురు రిజెక్ట్ చేశారు!

BCCI: భారత క్రికెట్‌లోని పలువురు స్టార్ ఆటగాళ్లు ప్రస్తుతం గాయాలతో బాధపడుతున్నారు. జస్ప్రీత్ బుమ్రా నుంచి హార్దిక్ పాండ్యా వరకు.. ఆటగాళ్లంతా పూర్తి ఫిట్‌గా లేరు. తమ ఆటగాళ్లు సకాలంలో ఫిట్‌నెస్ తిరిగి పొందలేకపోవడంతో వారికి తరచుగా గాయాలు కావడం పట్ల బీసీసీఐ ఆందోళన చెందుతోంది. గాయపడిన ఆటగాళ్ల సమస్యను పరిష్కరించడానికి బీసీసీఐ కార్యదర్శి దేవ్‌జిత్ సైకియా కూడా బెంగళూరులోని సెంటర్ ఆఫ్ ఎక్సలెన్స్‌ను సందర్శించారు. అక్కడ ఆయన వీవీఎస్ లక్ష్మణ్‌ను కలిశారు.

WTC ఫైనల్ రేసులో భారత్.. అసలు లెక్క ఇదే!

18 నెలలుగా ఖాళీగా ఉన్న ఓ పోస్ట్
సెంటర్ ఆఫ్ ఎక్సలెన్స్ (CoE) డైరెక్టర్ వీవీఎస్ లక్ష్మణ్. దేవజిత్ సైకియా, ఇతర సీనియర్ బీసీసీఐ అధికారులు సెంటర్ ఆఫ్ ఎక్సలెన్స్ ను సందర్శించి.. అక్కడ లక్ష్మణ్‌తో కలిసి విలేకరుల సమావేశం నిర్వహించారు. భారత ఆటగాళ్లు ఎందుకు ఇంత తరచుగా గాయపడుతున్నారు. వారు ఎందుకు సకాలంలో కోలుకోవడం లేదు అనేదే ప్రధాన ప్రశ్నగా వినిపించింది. ఈ ప్రశ్నలకు కూడా లక్ష్మణ్ సమాధానమిచ్చారు. సీఓఈలోని స్పోర్ట్స్ సైన్స్ అండ్ మెడిసిన్ విభాగాధిపతి పదవికి శాశ్వత నియామకం గత ఒకటిన్నర సంవత్సరాలుగా పెండింగ్‌లో ఉందని లక్ష్మణ్ వివరించారు. ఈ పదవిని భర్తీ చేయడానికి బోర్డు నిరంతరం ప్రయత్నిస్తున్నప్పటికీ, సరైన అభ్యర్థి దొరకలేదు.

Also Read

అత్తగారింటికి వెళ్లి 17 కిలోలు తగ్గాడు! సరికొత్త లుక్ వెనుక సీక్రెట్ ఇదే!

ఆ పదవిని ముగ్గురు నిరాకరించారట..
2025లో నితిన్ పటేల్ ఆ విభాగాధిపతి పదవికి రాజీనామా చేశారు. ఆ తర్వాత తాను నిపుణుల బృందంతో కలిసి ఆ పదవికి అభ్యర్థి కోసం వెతుకుతున్నట్లు లక్ష్మణ్ ప్రకటించారు. ముగ్గురు అభ్యర్థులను సంప్రదించామని ఆయన తెలిపారు. ఈ పదవి కోసం మాజీ టీమిండియా ఫిజియో ఆండ్రూ లీపస్‌ను కూడా సంప్రదించారు, కానీ ఆయన కుటుంబ కారణాలతో నిరాకరించారు. ఓ ఆస్ట్రేలియన్ అభ్యర్థితో కూడా ఒప్పందం ఖరారైంది, కానీ ఆయన బెంగళూరుకు మారడానికి నిరాకరించారు. న్యూజిలాండ్ రగ్బీ జట్టుకు చెందిన అనుభవజ్ఞుడైన స్పోర్ట్స్ సైన్స్ నిపుణుడిని కూడా ఈ పదవికి పరిగణించారు, కానీ ఆయన కూడా చివరి నిమిషంలో నిరాకరించారు.