చర్యలకు సిద్ధం: నోరు జారిన పాండ్యా, రాహుల్‌లకు షోకాజ్ నోటీసులు

కాఫీ విత్ కరణ్ షోలో

ఈ టాక్ షోలో కేఎల్ రాహుల్ ఆచితూచి బదులిచ్చినప్పటికీ పాండ్య మాత్రం నోటికి ఏదొస్తే అది మాట్లాడాడు. ముఖ్యంగా కరణ్ జోహార్ హార్ధిక్ పాండ్యా లవ్‌స్టోరీ గురించి అడగ్గా "నేను ఈ మధ్యకాలంలో మూడు విషయాలను తెలుసుకున్నా. మొదటి విషయం ఏంటంటే.. ఒక అమ్మాయిని చూడటం. రెండోది డేటింగ్‌. మూడోది రిలేషన్‌షిప్‌" అని సమాధానమిచ్చాడు.

ట్విట్టర్‌లో క్షమాపణ చెప్పిన పాండ్యా

దీంతో పాటు తన తల్లిదండ్రులతో తాను ఎంతో సన్నిహితంగా ఉంటానని, తాను కలిసి అమ్మాయిల సంగతి కూడా తాను వాళ్లతో షేర్ చేసుకున్నానని పాండ్యా చెప్పాడు. దీనిపై విమర్శలు రావడంతో పాండ్యా ట్విట్టర్‌లో క్షమాపణ కూడా చెప్పాడు. కాఫీ విత్ కరణ్ షోలో ఓ క్రికెటర్‌గా పాండ్యా తన స్థాయికి తగ్గట్టు మాట్లాడకపోవడం పట్ల బీసీసీఐ గుర్రుగా ఉంది.

ఎవరు బెస్ట్ ప్లేయర్? వివాదం

అసలు క్రికెటర్లు క్రికెట్‌తో సంబంధం లేని షోలలో ఎందుకు పాల్గొంటున్నారన్న దానిపై బోర్డు దృష్టి సారించింది. ట్విట్టర్ వేదికగా పాండ్యా క్షమాపణ చెప్పినప్పటికీ.. అది సరిపోదని భావిస్తోన్న బోర్డు అతడిపై కఠిన చర్యలు తీసుకునే దిశగా అడుగులేస్తోంది. సచిన్, కోహ్లీలలో ఎవరు బెస్ట్ ప్లేయర్ అనే ప్రశ్నకు గాను కోహ్లీనే అంటూ వీరిద్దరూ చేసిన వ్యాఖ్యలపై క్రికెట్ అభిమానులు మండిపడుతున్నారు.