శ్రీశాంత్ కు బిసిసిఐ తుది హెచ్చరిక

కొచ్చి: బౌలర్ శ్రీశాంత్ కు భారత నియంత్రణ మండలి (బిసిసిఐ) బౌలర్ ఎస్.శ్రీశాంత్ కు తుది హెచ్చరికలు జారీ చేసింది. తన పద్ధతి మార్చుకోకపోతే దేశవాళీ క్రికెట్ నుంచి సస్పెండ్ చేస్తామని బిసిసిఐ శ్రీశాంత్ ను హెచ్చరించింది. తమ హెచ్చరికలను శ్రీశాంత్ కు చేరవేయాలని సూచిస్తూ బిసిసఐ ఈ నెల 5వ తేదీన కేరళ క్రికెట్ సంఘం కార్యదర్శి టిసి మాథ్యూస్ కు ఒక లేఖ రాసింది. నాగపూర్ లో ఇరానీ కప్ ఛాంపియన్ షిప్ పోటీల్లో ముంబైపై జరిగిన మ్యాచ్ లో దుష్ప్రవర్తనకు గాను శ్రీశాంత్ కు బిసిసిఐ ఆ హెచ్చరికలు చేసింది.

బిసిసిఐ ప్రవర్తనా నియమావళిని ఉల్లంఘించకూడదనే ఉద్దేశంతో శ్రీశాంత్ కు తుది హెచ్చరిక చేస్తున్నామని, దుష్ప్రవర్తనకు తిరిగి పాల్పడితే శ్రీశాంత్ పై కఠిన చర్యలుంటాయని, దేశవాళీ క్రికెట్ నుంచి సస్పెండ్ చేయడానికి కూడా వెనకాడబోమని ఆ లేఖలో అన్నారు. అంతర్జాతీయ క్రికెటర్ గా యువకులుగా మార్గదర్శకంగా ఉండాలని బిసిసిఐ అభిప్రాయపడింది.మైదానంలో క్రీడాస్ఫూర్తిగా విరుద్ధంగా ప్రవర్తన ఉండకూడదని బిసిసిఐ శ్రీశాంత్ ను హెచ్చరించింది.