మీ ప్రేమకు ధన్యవాదాలు: ఐసీసీ తర్వాత బీసీసీఐనే

హైదరాబాద్: ప్రపంచంలోనే అత్యంత ధనిక బోర్డుగా పేరుగాంచిన బీసీసీఐ మరో అరుదైన ఘనత సాధించింది. తాజాగా సోషల్ మీడియా ప్లాట్‌ఫామ్ ట్విటర్‌‌లో బీసీసీఐ దూసుకుపోతోంది. బీసీసీఐ ట్విటర్‌ ఖాతా ఫాలోవర్ల సంఖ్య 6 మిలియన్లను అందుకుంది. ఏ దేశ క్రికెట్‌ బోర్డుకు ఇంతటి స్థాయిలో అభిమానులు లేరు.

ఒక్క ఐసీసీకి మాత్రమే బీసీసీఐ కన్నా ఎక్కువ మంది ఫాలోవర్లను కలిగి ఉంది. ఐసీసీకి 6.89మిలియన్ల మంది ఫాలోవర్లు ఉన్నారు. 6 మిలియన్ల మంది ఫాలోవర్లు చేరిన సందర్భంగా '6 మిలియన్ల మందితో మన కుటుంబం మరింత బలపడింది. మీ ప్రేమ, మద్దతుకు ధన్యవాదాలు' అంటూ బీసీసీఐ ట్వీట్‌ చేసింది.

ఏ బోర్డుకు ఎంత మంది ఫాలోవర్లు:
1. India (@BCCI) - 6m
2. Bangladesh (@BCBtigers) - 1.75m
3. Pakistan (@TheRealPCB) - 1.1m
4. South Africa (@OfficialCSA) - 899k
5. Sri Lanka (OfficialSLC) - 589k
6. England (@englandcricket) - 428k
7. New Zealand (@BLACKCAPS) - 363k
7. West Indies (@westindies) - 243k
8. Zimbabwe ( @ZimCricketv) - 193k
9. Australia (@CAComms) - 171k
10. Afghanistan (@ACBofficials) 166k

ఇదిలా ఉంటే బీసీసీఐ మహిళల క్రికెట్‌ జట్టుకు, దేశవాళీ క్రికెట్‌ కోసం అదనంగా మరో రెండు ట్విటర్‌ ఖాతాలను నిర్వహిస్తోంది. బీసీసీఐ మహిళల ట్విటర్‌ ఖాతాకు 96వేలు, బీసీసీఐ దేశవాళీ ఖాతాకు 2 లక్షల 18వేల మంది ఫాలోవర్లు ఉన్నారు. కాగా, ఆటగాళ్ల విషయానికి వస్తే క్రికెట్ లెజెండ్ సచిన్ టెండూల్కర్‌ను అత్యధికంగా 21.2 మిలియన్ల మంది ఫాలో అవుతుండగా, టీమిండియా కెప్టెన్ విరాట్ కోహ్లీని 20.3 మిలియన్ల మంది ఫాలో అవుతున్నారు.