BCCI Central Contracts: రాహుల్‌, పంత్‌కు ప్రమోషన్‌.. రహానే, పుజారాకు డిమోషన్‌!

న్యూఢిల్లీ: సౌతాఫ్రికా పర్యటనలో దారుణంగా విఫలమైన టీమిండియా టెస్ట్ స్పెషలిస్ట్ బ్యాట్స్‌మన్ అజింక్యా రహానే, చతేశ్వర్ పుజారాలకు మరో షాక్ తగలనుంది. ఇప్పటికే భారత జట్టులో చోటు కోల్పోయే పరిస్థితిని తెచ్చుకున్న ఈ ఇద్దరు స్టార్ ఆటగాళ్లు.. బీసీసీఐ సెంట్రల్ కాంట్రాక్టుల్లో డిమోషన్ అయ్యే అవకాశాలున్నాయి. గత కొంతకాలంగా పుజారా, రహానే పరుగులు చేయడంలో ఇబ్బంది పడుతున్నారు. ఇప్పటివరకు గ్రేడ్‌-ఏలో ఉన్న రహానే, పుజారాలను గ్రేడ్‌-బి కాంట్రాక్ట్‌‌కు డిమోషన్ చేయనున్నట్లు తెలుస్తోంది.

తాజా కాంట్రాక్ట్(అక్టోబర్ 2021 నుంచి సెప్టెంబర్ 2022) సెప్టెంబర్‌లో ముగియనుంది. ఈ క్రమంలోనే వచ్చే ఏడాది అక్టోబర్ 2022 నుంచి సెప్టెంబర్ 2023 కాంట్రాక్ట్‌లను బీసీసీఐ సిద్దం చేస్తోంది. 28 మంది ఆటగాళ్లతో ఈ సెంట్రల్ కాంట్రాక్ట్ జాబితా తయారు చేసినట్లు తెలుస్తోంది. సెంట్రల్‌ కాంట్రాక్ట్‌ ప్రకటించేందుకు ముగ్గురు ఆఫీస్‌ బేరర్స్‌తో పాటు.. ఐదుగురు సెలక్టర్లు... జాతీయస్థాయి కోచ్‌లతో కమిటీ సిద్ధమైంది. త్వరలోనే బీసీసీఐ సెంట్రల్‌ కాంట్రాక్ట్‌ జాబితాను వెల్లడించనుంది.

రాహుల్, పంత్‌కు ప్రమోషన్..

రాహుల్, పంత్‌కు ప్రమోషన్..

టీమిండియా క్రికెటర్లు కేఎల్‌ రాహుల్‌, రిషబ్‌ పంత్‌లకు బీసీసీఐ సెంట్రల్‌ కాంట్రాక్ట్స్‌లో ప్రమోషన్‌ లభించే అవకాశం ఉంది. గ్రేడ్‌-ఏ ప్లస్‌ కేటగిరిలో వీరికి అవకాశం దక్కనుంది. ప్రస్తుత కాంట్రాక్టులో ఈ ఇద్దరు గ్రేడ్-ఏ కాంట్రాక్ట్‌లో ఉన్నారు. కొంతకాలంగా కేఎల్‌ రాహుల్‌, రిషబ్‌ పంత్‌లు అన్ని ఫార్మాట్లలో రెగ్యులర్‌ ఆటగాళ్లుగా మారిపోయారు. తమకు ఇచ్చిన అవకాశాలను అందిపుచ్చుకుంటూ మంచి ఇన్నింగ్స్‌లు ఆడుతున్నారు. ఈ క్రమంలోనే వారికి ప్రమోషన్ లభించనుంది. ఇప్పటివరకు రోహిత్‌ శర్మ, విరాట్‌ కోహ్లి, జస్‌ప్రీత్‌ బుమ్రాలు మాత్రమే గ్రేడ్‌-ఏ ప్లస్‌ కేటగిరిలో ఉన్నారు. మూడు ఫార్మాట్లలో రెగ్యులర్‌గా ఆడే ఆటగాళ్లకు మాత్రమే ఈ కాంట్రాక్ట్ దక్కుతుంది.

సిరాజ్, షమీకి సైతం..

సిరాజ్, షమీకి సైతం..

ఇక గతేడాదిగా బౌలర్‌గా మంచి ప్రదర్శన ఇస్తున్న మహ్మద్‌ సిరాజ్‌ను గ్రేడ్‌ సి నుంచి గ్రేడ్‌ బికి ప్రమోట్ చేసే అవకాశం ఉంది. టెస్టుల్లో అదరగొట్టిన శార్దూల్‌ ఠాకూర్‌తో పాటు హనుమ విహారిలకు కూడా ప్రమోషన్‌ లభించే అవకాశం ఉంది. ఇక ఉమేశ్‌ యాదవ్‌, ఇషాంత్‌శర్మలకు డిమోషన్‌ తప్పేలా లేదు. వచ్చే అవకాశాలు ఎక్కువగా ఉన్నాయి. అక్షర్ పటేల్, మహమ్మద్ షమీ‌లకు కూడా ప్రమోషన్ లభించనుంది. టీ20 ప్రపంచకప్ ముగిసిన వెంటనే సెంట్రల్ కాంట్రాక్ట్‌కు సంబంధించిన డ్రాఫ్ట్ సిద్దం చేశామని, త్వరలోనే ఫైనలైజ్ చేస్తామని బీసీసీఐ వర్గాలు పేర్కొన్నాయి.

 ఏయే కేటగికి ఎంత జీతం అంటే..?

ఏయే కేటగికి ఎంత జీతం అంటే..?

ఏ ప్లస్‌ కేటగిరి కింద ఒక్కో ఆటగానికి వార్షిక కాంట్రాక్ట్‌పై రూ.7 కోట్లు చెల్లిస్తారు

ఏ కేటగిరి కింద ఉన్న ఆటగాళ్లకు సంవత్సరానికి రూ.5 కోట్లు చెల్లిస్తారు.

బి కేటగిరి కింద ఉన్న ఆటగాళ్లకు సంవత్సరానికి రూ.3 కోట్లు చెల్లిస్తారు

సి కేటగిరి కింద ఉన్న ఆటగాళ్లకు రూ. కోటి చెల్లిస్తారు.

IPL 2022 In South Africa ? CSA Suggests BCCI | Oneindia Telugu
బీసీసీఐ సెంట్రల్ కాంట్రాక్ట్ జాబితా(అక్టోబర్ 2021 టూ సెప్టెంబర్ 2022):

బీసీసీఐ సెంట్రల్ కాంట్రాక్ట్ జాబితా(అక్టోబర్ 2021 టూ సెప్టెంబర్ 2022):

గ్రేడ్ ఏ ప్లస్‌: విరాట్ కోహ్లీ, రోహిత్ శర్మ, జస్‌ప్రీత్‌ బుమ్రా

గ్రేడ్ ఏ: రవిచంద్రన్ అశ్విన్, రవీంద్ర జడేజా, చతేశ్వర్ పుజారా, అజింక్యా రహానే, శిఖర్ ధావన్, కేఎల్‌ రాహుల్, మహ్మద్‌ షమీ, ఇషాంత్ శర్మ, రిషబ్ పంత్, హార్దిక్ పాండ్యా

గ్రేడ్ బి: వృద్ధిమాన్ సాహా, ఉమేష్ యాదవ్, భువనేశ్వర్ కుమార్, శార్దూల్ ఠాకూర్, మయాంక్ అగర్వాల్‌

గ్రేడ్ సి: కుల్దీప్ యాదవ్, నవదీప్ సైనీ, దీపక్ చహర్, శుబ్‌మన్ గిల్, హనుమ విహారి, అక్షర్ పటేల్, శ్రేయాస్ అయ్యర్, వాషింగ్టన్ సుందర్, యజ్వేంద్ర చహల్, మహమ్మద్‌ సిరాజ్

For Quick Alerts
ALLOW NOTIFICATIONS
For Daily Alerts
Story first published: Wednesday, January 26, 2022, 13:15 [IST]
Other articles published on Jan 26, 2022
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X