BCCI Contract: శ్రేయస్ అయ్యర్ సహా కొంతమంది ఆటగాళ్లకు జాక్‌‌పాట్!

BCCI Contract: భారత క్రికెట్ నియంత్రణ మండలి(బీసీసీఐ) మెన్ ఇన్ బ్లూ జట్టుకు సంబంధించిన కేంద్ర ఒప్పందాలను ఇంకా విడుదల చేయలేదు. ఆ జాబితా ఇంకా విడుదల కావాల్సి ఉంది. ఇది అనేక ఊహాగానాలకు దారితీసింది. ముఖ్యంగా A+ కేటగిరీలో మార్పుల గురించి చర్చ జరుగుతోంది గతేడాది కాంట్రాక్టు కోల్పోయిన శ్రేయస్ అయ్యర్.. ఈ సారి కచ్చితంగా A+ కేటగిరీలో అవకాశాలు దక్కించుకోనున్నట్లు తెలుస్తోంది. రోహిత్ శర్మ, విరాట్ కోహ్లీ, రవీంద్ర జడేజా టీ20 ఫార్మాట్ నుంచి రిటైర్ అయిన సంగతి తెలిసిందే. ఈ నేపథ్యంలో వారికి A+ కేటగిరీలో స్థానం ఉండకపోవచ్చు. ఎందుకంటే ఈ కేటగిరీలో కొనసాగాలంటే ఆటగాళ్లు టెస్టులు, వన్డేలు, టీ20 మూడో ఫార్మాట్లోనూ ఆడాలి. ఈ కారణంగానే ఈ ముగ్గురు దిగ్గజాలు కేంద్ర ఒప్పందంలో నష్టాలను చవిచూడవచ్చని క్రీడా నిపుణులు భావిస్తున్నారు. దీంతో ఆ ముగ్గురు ఆటగాళ్లు A కేటగిరీలో బీసీసీఐ కాంట్రాక్టులు పొందనున్నారు. మహిళల జట్టు కోసం సెంట్రల్ కాంట్రాక్టుల జాబితా విడుదల చేయబడిన సంగతి తెలిసిందే.

బీసీసీఐ త్వరలో సెంట్రల్ కాంట్రాక్టును ప్రకటించే అవకాశం ఉంది. A+ కేటగిరీలో రూ.7కోట్ల రిటైనర్ షిప్ ఫీజు ఇవ్వబడుతుంది. A కేటకగిరీలో ఆటగాడికి రూ.5 కోట్లు లభిస్తాయి. గ్రేడ్-బి ఆటగాళ్లకు రూ.3 కోట్లు.. గ్రేడ్ సీ ఆటగాళ్లకు కోటి రూపాయల ఫీజు లభిస్తుంది. సెంట్రల్ కాంట్రాక్ట్ ను జాతీయ ఎంపిక కమిటీని ఏర్పరుస్తుంది. ఏదేమైనప్పటికీ జాతీయ సెలక్షన్ కమిటీ ప్రధాన కోచ్‌తో సంప్రదింపుల తర్వాత బీసీసీఐ కార్యదర్శి దేవ్‌జిత్ సైకియా తుది జాబితాను అపెక్స్ కౌన్సిల్ ముందు ఆమోదం కోసం ఉంచుతారు.

సీనియర్ ఆటగాళ్లందరినీ A+ కేటగిరీలోనే ఉంచడంపై అందరికీ ఒకే అభిప్రాయం లేదని వార్తలు వస్తున్నాయి. గత సంవత్సరం బుమ్రా, రోహిత్ శర్మ, విరాట్ కోహ్లీ, రవీంద్ర జడేజాలు టాప్ కేటగిరీలో నిలిచారు. A+ కేటగిరీలో ఎల్లప్పుడూ మూడు ఫార్మాట్లలో ఆడే ఆటగాళ్లు ఉంటారు. సీనియర్లలో మూడు ఫార్మాట్లలో ఆడే ఏకైక ఆటగాడు జస్ప్రీత్ బుమ్రా. బుమ్రా టెస్ట్ కెప్టెన్ కూడా కాగలడు. బీసీసీఐలోని కొంత మంది A+ కేటగిరీలో ఎటువంటి మార్పు ఉండదని కోరుకుంటున్నారు. A కేటగిరీలో ఉన్న రవిచంద్రన్ అశ్విన్ ఈ ఏడాది జాబితా నుంచి నిష్క్రమిస్తాడు. అంతర్జాతీయ క్రికెట్ నుంచి అశ్విన్ రిటైర్ అవ్వడమే కారణం. అక్షర్ పటేల్ ప్రయోజనం పొందే అవకాశం ఉంటుంది. ఇంగ్లాండ్ టీ20 అంతర్జాతీయ సిరీస్ కు వైస్ కెప్టెన్ గా వ్యవహరించిన అక్షర్ పటేల్.. గ్రూప్ B నుంచి Aకి వచ్చే అవకాశం ఉంది. అక్షర్ పటేల్ వన్డేలు, టీ20 అంతర్జాతీయ మ్యాచ్ లలో క్రమం తప్పకుండా ఆడుతున్నాడు. అక్షర్ భారత్ తరఫున 14 టెస్టులు కూడా ఆడాడు.

శ్రేయస్ కాంట్రాక్టు పొందడం ఖాయం
గతేడాది బీసీసీఐ ఆగ్రహానికి గురైన శ్రేయస్ అయ్యర్.. బీసీసీఐ సెంట్రల్ కాంట్రాక్టును కోల్పోయాడు. కానీ ఈ సీజన్ లో 11 వన్డేలు ఆడాడు. ఇటీవల జరిగిన ఛాంపియన్స్ ట్రోఫీలో తన బ్యాటింగ్ తో టీమిండియా విజయాల్లో కీలక పాత్రను పోషించాడు దీంతో శ్రేయస్ అయ్యర్ తిరిగి కాంట్రాక్టును పొందడం ఖాయంగా కనిపిస్తోంది. సెంట్రల్ కాంట్రాక్ట్ జాబితాలో చోటు దక్కించుకోవాలంటే.. ఒక ఆటగాడు ఒక క్యాలెండర్ సంవత్సరంలో మూడు టెస్టులు, ఎనిమిది వన్డేలు లేదా 10 టీ20 అంతర్జాతీయ మ్యాచ్ లు ఆడాలి. యశస్వి జైస్వాల్ బీ గ్రేడ్ నుంచి ప్రమోషన్ పొందే అవకాశాలున్నాయి. బెంగాల్ ఫాస్ట్ ఆకాశ్ దీప్ ఏడు టెస్టులు ఆడాడు.. సర్ఫరాజ్ ఖాన్ మూడు టెస్టులు ఆడాడు.. వీరిద్దరు గ్రూప్ సీలో చేర్చవచ్చు.

నితీష్ కుమార్ రెడ్డి మొత్తం బోర్డర్-గవాస్కర్ సిరీస్ (ఐదు టెస్టులు, నాలుగు టీ20లు) ఆడాడు. అందువల్ల సెంట్రల్ కాంట్రాక్టు జాబితాలో కనిపించొచ్చు. శార్దుల్ ఠాకూర్, రుతురాజ్ గైక్వాడ్ మునుపటి జాబితాలో ఉన్నారు. కానీ ఈసారి వారు అవసరమైన పరిస్థితులను నెరవేర్చడం లేదు. అందువల్ల వారు జాబితాలో కొనసాగడం సందేహమే. A+ కేటగిరీలో ఎల్లప్పుడూ మూడు ఫార్మాట్లలో ఆడే ఆటగాళ్లు ఉంటారు.