హైదరాబాద్: ఆస్ట్రేలియా పరిమిత ఓవర్ల కెప్టెన్ ఆరోన్ ఫించ్ మైదానంలో సహనం కోల్పోయాడు. ఆస్ట్రేలియా వేదికగా జరుగుతున్న బిగ్బాష్ లీగ్(బీబీఎల్)లో భాగంగా ఆదివారం మెల్బోర్న్ రెనిగేడ్స్-మెల్బోర్న్ స్టార్స్ మధ్య ఫైనల్ మ్యాచ్ జరిగింది. ఈ మ్యాచ్లో మెల్బోర్న్ రెనిగేడ్స్ జట్టు కెప్టెన్ ఆరోన్ ఫించ్ తన ఏమరుపాటు కారణంగా రనౌటయ్యాడు.
కేఎల్ రాహుల్ ఫామ్ ప్రపంచ కప్ కు చాలా ముఖ్యం : ఎమ్మెస్కె ప్రసాద్
మెల్బోర్న్ స్టార్స్ బౌలర్ జాక్సన్ వేసిన బంతిని క్రీజులో ఉన్న కామెరూన్ ఆడాడు. అయితే, ఆ బంతి నేరుగా బౌలర్ వద్దకు సమీపించడంతో వెంటనే దానిని పాదంతో ఆపే ప్రయత్నం చేశాడు. అదే సమయంలో లేని పరుగుల కోసం ప్రయత్నించిన ఆరోన్ ఫించ్ రనౌట్ అయ్యాడు. దీంతో ఫించ్ మైదానంలోనే సహనం కోల్పోయాడు.
A Bucket Moment to end all Bucket Moments as Finch is run out off Bird's boot!#BBLFinal | @KFCAustralia pic.twitter.com/ewI4i9WTZE
— KFC Big Bash League (@BBL) February 17, 2019
దీంతో నిరాశగా పెవిలియన్కు చేరుతూ స్టేడియం లోపల ఉన్న ఛైర్ను బ్యాటుతో కొట్టి వెళ్లిపోయాడు. దీంతో ఛైర్ విరిగిపోయింది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అయింది. ఈ మ్యాచ్లో మెల్బోర్న్ రెనిగేడ్స్ జట్టు 13 పరుగుల తేడాతో విజయం సాధించింది.
ఫిబ్రవరి 24 నుంచి భారత్-ఆస్ట్రేలియా జట్ల మధ్య సుదీర్ఘ సిరిస్ ప్రారంభం కానుంది. ఈ పర్యటనలో భాగంగా ఆస్ట్రేలియా జట్టు ఐదు వన్డేలు, రెండు టీ20ల సిరీస్ ఆడనుంది.
Best shot Finch has played all summer #BBLFinal pic.twitter.com/GoZrEvfyyi
— Alex Black (@VirtualAlexB) February 17, 2019