లెవెల్ 1
ఆటగాడు మితిమీరి అప్పీల్ చేయడం, అంపైర్ నిర్ణయంపై వ్యతిరేకత చూపడం లాంటి వాటిని లెవన్ 1 తప్పిదం కింద పరిగణిస్తారు. దీనికి ముందు అంఫైర్ హెచ్చరిక జారీ చేస్తారు. రెండోసారి లెవన్ 1 తప్పిదం చేస్తే పెనాల్టీ కింద ప్రత్యర్థి జట్టుకు ఐదు పరుగులు కేటాయిస్తారు.
లెవెల్ 2
ఇందులో ప్రత్యర్ధి ఆటగాడిపైకి బంతిని విసరడం, కావాలనే ఢీకొట్టడంలాంటివి లెవన్ 2 తప్పిదం కింద పరిగణిస్తారు. ఈ తప్పిదం చేస్తే వెంటనే ప్రత్యర్థి జట్టుకు ఐదు పరుగులు ఇచ్చేస్తారు.
లెవెల్ 3
అంపైర్ లేదా సహచర ఆటగాడు లేదా టీమ్ అధికారి లేదా ప్రేక్షకుడిని బెదిరించడం లాంటివాటిని లెవల్ 3 తప్పిదంగా పరిగణిస్తారు. ఈ తప్పిదం చేస్తే ప్రత్యర్థి జట్టుకు ఐదు పరుగులు ఇవ్వడంతో పాటు ఆ ప్లేయర్ను అప్పుడు ఆడుతున్న ఫార్మాట్ను బట్టి కొన్ని ఓవర్లపాటు మైదానం నుంచి బయటకు పంపిస్తారు.
లెవెల్ 4
అంపైర్ను బెదిరించడం లేదా మైదానంలో మ్యాచ్ ఆడేటప్పుడు హింసాత్మక చర్యలకు పాల్పడటంలాంటివి లెవల్ 4 తప్పిదం కిందకు పరిగణించారు. ఇలా చేస్తే ప్రత్యర్థి జట్టుకు ఐదు పరుగులు ఇవ్వడంతోపాటు ఆ ఆటగాడిపై తదుపరి మ్యాచ్ నిషేధం విధిస్తారు. ఆ సమయంలో ఆ ప్లేయర్ బ్యాటింగ్ చేస్తుంటే అతన్ని రిటైర్డ్ అవుట్గా కూడా ప్రకటిస్తారు.