శాంటో హాఫ్ సెంచరీ
బంగ్లా ఓపెనర్ శాంటో హాఫ్ సెంచరీతో రాణించాడు. 55 బంతుల్లో ఒక సిక్స్, 7 ఫోర్లతో 71 పరుగులు చేశాడు. మరో ఓపెనర్ సౌమ్య సర్కార్ డకౌట్ కాగా.. కెప్టెన్ షకీబుల్ హసన్ 23, హుస్సేన్ 29 పరుగులతో రాణించారు. జింబాబ్వే బౌలర్లలో నగరవ, ముజారబానీ రెండేసి వికెట్ల పడగొట్టగా.. రజా, సీన్ విలియమ్స్ ఒక్కో వికెట్ తీశారు
సీన్ విలియమ్స్
151 పరుగుల విజయలక్ష్యంతో బరిలోకి దిగిన జింబాబ్వే 20 ఓవర్లలో 8 వికెట్లు కోల్పోయి 147 పరుగులు చేసింది. ఛేదనలో జింబాబ్వే ఆదిలోనే ఓపెనర్లను కోల్పోయింది. మాధేవెరే, క్రెయిగ్ ఎర్విన్, తక్కువ పరుగులకే ఔటయ్యారు. తర్వాత వచ్చిన మిల్టన్ శుంబా త్వరగా పెవిలియన్ చేరాడు. సీన్ విలియమ్స్ జట్టును ఆదుకున్నాడు. జట్టును గెలిపించే ప్రయత్నంలో రనౌట్ అయ్యాడు. విలియమ్స్ 42 బంతుల్లో 8 ఫోర్లతో 64 పరుగులు చేశాడు.
తస్కిన్ అహ్మద్
ర్యాన్ బురి 25 బంతుల్లో ఒక సిక్స్, ఒక ఫోర్ తో 27 పరుగులు చేశాడు. వికెట్ కీపర్ రెగిస్ చకబ్వా 15 పరుగులు చేశాడు. బంగ్లా బౌలర్లలో తస్కిన్ అహ్మద్ మూడు వికెట్ల తీయగా.. హుస్సేన్, రెహ్మన్
రెండేసి వికెట్లు పడగొట్టారు.
రెండో స్థానం
గ్రూప్-2లో ప్రస్తుతం టీమిండియా 4 పాయింట్లతో అగ్రస్థానంలో ఉంది. భారత్, నెదర్లాండ్స్ విజయం సాధించింది. కాగా సౌతాఫ్రికా మూడు పాయింట్లతో 3వ స్థానంలో ఉంది. సౌతాఫ్రికా జింబాబ్వేతో ఆడిన మ్యాచ్ వర్షం కారణంగా రద్దు కాగా.. బంగ్లాదేశ్ తో జరిగిన మ్యాచ్ లో భారీ తేడాతో విజయం సాధించింది. ఈ విజయంతో బంగ్లాదేశ్ నాలుగు పాయింట్లతో రెండో స్థానానికి చేరింది.