6,6,6,6,6,6లు వాటితో పాటు డబుల్ సెంచరీ బాదిన టీనేజర్ (వీడియో)

Australian teenager blasts six sixes in an over scoring a double century in an U19 one-day game

న్యూ ఢిల్లీ: ఆస్ట్రేలియా యువ క్రికెటర్ఆకాశమే హద్దుగా చెలరేగి ఒలివర్ డేవీస్ వన్డేలో రికార్డు సృష్టించాడు. అండర్-16, అండర్-19 జట్టులకు ప్రాతినిధ్యం వహిస్తోన్న డేవీస్.. 115 బంతుల్లో 207 పరుగులు చేశాడు. అండర్-19 నేషనల్ ఛాంపియన్‌షిప్స్‌లో ఆడిన ఈ యువ హిట్టర్ తొలుత 74 బంతుల్లో 100 పరుగుల మైలురాయిని అందుకున్నాడు. ఆ తర్వాత కేవలం 39 బంతుల్లోనే 200 పరుగుల మార్క్‌ని చేరుకున్నాడు.

డేవిస్ డబుల్ సెంచరీ అండర్ 19 ఛాంపియన్ షిప్‌ చరిత్రలో తొలి డబుల్ సెంచరీగా రికార్డు సాధించాడు. ఒకానొక దశలో ఒకే ఓవర్‌లో వరుసగా 6,6,6,6,6,6 బాది దిగ్గజాల సరసన చోటు దక్కించుకున్నాడు. ఈ సిక్సుల గురించి మాట్లాడుతూ.. ముందు రెండు సిక్సులు పూర్తి అయిన తర్వాత మిగిలినవి కూడా సిక్సులే బాదాలనిపించిందని చెప్పాడు.

ఒకే ఓవర్‌లో వివిధ ఫార్మాట్లలో ఇప్పటి వరకు గ్యారీ సోబర్స్, రవిశాస్త్రి, గిబ్స్, యువరాజ్ సింగ్, విట్టీలీ, హజ్రతుల్లా ఆరు బంతుల్లో ఆరు సిక్సర్లు బాదగా.. తాజాగా ఈ జాబితాలో ఒలివర్ డేవీస్ చేరాడు. అంతేకాకుండా.. ఒకే ఇన్నింగ్స్‌లో 16 సిక్సర్లు బాదిన నాలుగో క్రికెటర్‌గానూ ఈ యువ హిట్టర్ నిలిచాడు. వన్డేల్లో ఇప్పటి వరకు ఒక మ్యాచ్‌లో రోహిత్ శర్మ, ఏబీ డివిలియర్స్, క్రిస్‌గేల్ మాత్రమే 16 సిక్సర్లు కొట్టారు.

ఒలివర్ డేవీస్ జోరుతో అతను ప్రాతినిథ్యం వహించిన న్యూ సౌత్ వేల్స్ మెట్రో జట్టు నిర్ణీత 50 ఓవర్లలో 4 వికెట్ల నష్టానికి 406 పరుగులు చేయగా.. ప్రత్యర్థి నార్త్‌రెన్ టెర్రిటరీ టీమ్ 238 పరుగులకే చేతులెత్తేసింది.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts
    Story first published: Monday, December 3, 2018, 16:56 [IST]
    Other articles published on Dec 3, 2018
    POLLS

    Mykhel బ్రేకింగ్ అలర్ట్స్ పొందండి

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more