T20 World Cup 2022: నాలుగు ఓవర్లలోనే మ్యాచ్‍ను సెట్ చేశారు.. ఓటమిపై ఆసీస్ కెప్టెన్ ఆరోన్ ఫించ్..

కాన్వే

కాగా ఈ మ్యాచ్ లో మొదట బ్యాంటింగ్ చేసిన న్యూజిలాండి 20 ఓవర్లలో మూడు వికెట్లు కోల్పోయి 200 పరుగులు చేసింది. న్యూజిలాండ్ ఓపెనర్లు ఫిన్ అలేన్, కాన్వే విధ్వంసం సృష్టించారు. కాన్వే 58 బంతుల్లో 2 సిక్స్ లు, 7 ఫోర్లతో 92 పరుగులు చేసి నాటౌట్ గా నిలిచాడు. మరో ఓపెనర్ ఫిన్ అలేన్ 16 బంతుల్లో 3 సిక్స్ లు, 5 ఫోర్లతో 42 పరుగులు చేశాడు. చివర్లో నిషామ్ 13 బంతుల్లో 26 పరుగులు చేశాడు. హజిల్ వుడ్ 2 వికెట్లు పడగొట్టగా.. జంపా ఒక్క వికెట్ తీశాడు.

111 పరుగులకే

201 పరుగుల విజయలక్ష్యంతో బరిలోకి దిగిన ఆస్ట్రేలియా 111 పరుగులకే ఆలౌట్ అయింది. కంగారులు ఏ దశలోనూ గెలుపు వైపు ప్రయాణం చేయలేదు. కివీస్ బౌలర్ల కట్టుదిట్టంగా బౌలింగ్ చేశారు. వార్నర్ ను 5 పరుగులకే పెవిలయన్ కు చేర్చారు. గ్లెన్ మ్యాక్స్ వెల్ ఒక్కడే 28 పరుగులతో టాప్ స్కోరర్ గా నిలిచాడు. ప్యాట్ కమ్మిన్సి 21 పరుగులు చేశాడు. న్యూజిలాండ్ బౌలర్లలో సౌథీ, సాట్నర్ మూడేసి వికెట్లు పడగొట్టగా... బౌల్డ్ 2 వికెట్లు తీశాడు. ఫర్గీసన్, సోధి ఒక్కో వికెట్ పడగొట్టారు.

విలియమ్సన్

గెలుపుపై న్యూజిలాండ్ కెప్టెన్ విలియమ్సన్ మాట్లాడారు." ఇది అద్భుతమైన రోజు, ఓపెనర్లు మ్యాచ్ ను సెట్ చేసారు, బ్యాటింగ్ ద్వారా చాలా సహకారం అందించారు. ఈ పిచ్‌పై ఇది చాలా మంచి స్కోరు. ఆ తర్వాత బౌలర్లు బాగా రాణించడంతో పాటు ఫీల్డ్‌లో మంచి మద్దతు లభించింది. ఈ మ్యాచ్ లో అందరూ బాగా ఆడారు" అని విలియమ్సన్ చెప్పాడు.