ఆస్ట్రేలియా క్లీన్ స్వీప్: ప్రపంచ కప్ ముందు హెచ్చరికలు

108 పరుగుల భాగస్వామ్యం

ఆసీస్ నిర్దేశించిన 328 పరుగుల భారీ లక్ష్యఛేదనలో పాక్ జట్టుకు శుభారంభం దక్కలేదు. ఓపెనర్ అబిద్ అలీ (0) డకౌట్ అయ్యాడు. మరో ఓపెనర్ షాన్ మసూద్ (50).. హరిస్ సోహైల్ (130)తో కలిసి ఇన్నింగ్స్ ను గాడిలో పెట్టాడు. ఈ జోడి ఆసీస్ బౌలింగ్‌ను సమర్థంగా ఎదుర్కొంటూ.. రెండో వికెట్‌కు 108 పరుగుల భాగస్వామ్యాన్ని నెలకొల్పింది. అర్ధ సెంచరీ అనంతరం మసూద్ పెవిలియన్ చేరాడు. అనంతరం రిజవాన్ (12) తక్కువ స్కోరుకే అవుట్ అయ్యాడు.

కెప్టెన్ జట్టును గెలిపించలేకపోయాడు

సోహైల్ మాత్రం ధాటిగా ఆడుతూ.. ఉమర్ అక్మల్ (43)తో కలిసి నాలుగో వికెట్‌కు 102 పరుగులు జోడించాడు. ఈ క్రమంలోనే సోహైల్ సెంచరీ సాధించాడు. అయితే 1 పరుగు తేడాతో సోహైల్, అక్మల్ అవుట్ అయ్యారు. చివరలో కెప్టెన్ ఇమాద్ వసీం (50 నాటౌట్) అజేయ అర్ధ సెంచరీతో రాణించినా.. పాక్ జట్టును గెలిపించలేకపోయాడు. పాక్ 50 ఓవర్లలో 7 వికెట్ల నష్టానికి 307 పరుగులు చేసి ఓడిపోయింది. ఆసీస్ బౌలర్లలో బెహెన్‌డార్ఫ్ మూడు వికెట్లు తీయగా.. రిచర్డ్‌సన్, లియాన్, మ్యాక్స్‌వెల్, జంపా తలో వికెట్ తీశారు.

అదిరే ఆరంభం

అంతకుముందు టాస్ ఓడి తొలుత బ్యాటింగ్ చేసిన ఆసీస్ నిర్ణీత 50 ఓవర్లలో 7 వికెట్లకు 327 పరుగుల భారీ స్కోరు చేసింది. ఆసీస్ టాపార్డర్ ఆటగాళ్లు ఉస్మాన్ ఖవాజ (98), ఫించ్ (53), షాన్ మార్ష్ (61), మ్యాక్స్‌వెల్ (70)లు అర్ధ సెంచరీలతో రాణించారు. టాపార్డర్ రాణించినా.. మిడిల్ ఆర్డర్ బ్యాట్స్‌మెన్ సింగిల్ డిజిట్ స్కోర్ మాత్రమే చేసారు. పాక్ బౌలర్లు ఉస్మాన్ షిన్వారీ 4, జునైద్ ఖాన్ 3 వికెట్లు సాధించారు. మ్యాక్స్‌వెల్‌కు 'మ్యాన్ ఆఫ్ ద మ్యాచ్', ఆసీస్ కెప్టెన్ ఆరోన్ ఫించ్‌కు 'మ్యాన్ ఆఫ్ ద సిరీస్' దక్కాయి.