ఏకైక టీ20లోనూ రాణించలేకపోయిన ఆస్ట్రేలియా

దూకుడు కొనసాగించిన దక్షిణాఫ్రికా

టాస్ ఓడి తొలుత బ్యాటింగ్ చేసిన దక్షిణాఫ్రికా జట్టులో ఓపెనర్లు డికాక్ (22: 16 బంతుల్లో 2సిక్సులు), హెండ్రిక్స్ (19: 8 బంతుల్లో 3ఫోర్లు, ఒక సిక్సు) తొలి వికెట్‌కి 2.5 ఓవర్లలోనే 42 పరుగుల భాగస్వామ్యంతో శుభారంభమివ్వగా.. అనంతరం వచ్చిన కెప్టెన్ డుప్లెసిస్ (27: 15 బంతుల్లో 4ఫోర్లు), హెన్రిచ్ క్లాసెన్ (12), డేవిడ్ మిల్లర్ (11) దూకుడుగా ఆడాడు.

వర్షం కారణంగా 10 ఓవర్లకు 108/6తో

దీంతో ఆ జట్టు వర్షం కారణంగా కుదించిన 10 ఓవర్లలో 6 వికెట్ల నష్టానికి 108 పరుగులు చేసింది. లక్ష్య ఛేదనలో ఆస్ట్రేలియాకి ఆరంభంలోనే ఆటంకాలు ఎదురైయ్యాయి. కెప్టెన్ అరోన్ ఫించ్ (7), హిట్టర్ క్రిస్‌లిన్ (14), డీఆర్క్ షార్ట్ (0) వరుస ఓవర్లలో తక్కువ స్కోరుకే పెవిలియన్ చేరిపోయారు. ఈ దశలో గ్లెన్ మాక్స్‌వెల్ (38: 23 బంతుల్లో 2ఫోర్లు, 2సిక్సులు) దూకుడుగా ఆడుతూ ఆ జట్టుని గెలిపించే ప్రయత్నం చేసినా.. అతనికి సహకరించే వారు కరువైయ్యారు.

ఆఖరి ఓవర్ వరకూ మాక్స్‌వెల్ క్రీజులో నిలిచినా..

ఆసీస్‌ బౌలర్లలో కౌల్టర్‌నీల్‌, ఆండ్రూ టై రెండేసి వికెట్లు తీశారు. ఛేదనలో మోరిస్‌ (2/12), ఎంగిడి (2/16), ఫెలుక్వాయో (2/21) ధాటికి ఆసీస్‌ 7 వికెట్లు కోల్పోయింది. స్టాయినిస్ (5), అలెక్స్ (8), మెక్‌డీమాట్ (5), కౌల్టర్ నైల్ (2) సింగిల్ డిజిట్‌కే వరుసగా ఔటవడంతో ఆఖరి ఓవర్ వరకూ మాక్స్‌వెల్ క్రీజులో నిలిచినా.. ఫలితం లేకపోయింది.

మూడు వన్డేల సిరీస్‌ను కూడా సఫారీలే

ఆ జట్టు చివరికి 10 ఓవర్లలో 7 వికెట్ల నష్టానికి 87 పరుగులే చేయగలిగింది. ఎంగిడి, మోరిస్‌, పెహ్లుక్వాయో రెండేసి వికెట్లతో ప్రత్యర్థి పతనాన్ని శాసించారు. అంతకుముందు వన్డే సిరీ‌స్‌ను సౌతాఫ్రికా 2-1తో దక్కించుకుంది. ఇంతకుముందు జరిగిన మూడు వన్డేల సిరీస్‌ను కూడా సఫారీలు 2-1తో కైవసం చేసుకున్నారు.