Australia vs Pakistan: డేవిడ్ వార్నర్ డబుల్ సెంచరీ, భారీ స్కోరు దిశగా ఆసీస్

అఫ్రిది వేసిన బంతిని

షాహీన్ అఫ్రిది వేసిన బంతిని షార్ట్ ఫైన్ లెగ్ వైపుకు ఒక పరుగుగా తరలించి డేవిడ్ వార్నర్ డబుల్ సెంచరీ మార్కుని అందుకున్నాడు. టెస్టుల్లో వార్నర్‌కి ఇది రెండో డబుల్ సెంచరీ కావడం విశేషం. అంతకముందు ముహమ్మద్ మూసా బౌలింగ్‌లో డేవిడ్ వార్నర్ క్యాచ్ ఇచ్చినా... అది నోబాల్‌ కావడంతో వార్నర్ బ్రతికిపోయాడు.

ఈ ఏడాది అత్యధిక పరుగులు చేసిన ఆటగాడిగా లాబుస్చాగ్నే

అంతకుముందు, మార్నస్ లాబుస్చాగ్నే 2019లో టెస్టుల్లో అత్యధిక పరుగులు చేసిన ఆటగాడిగా నిలిచాడు. ఈ ఏడాది ఇప్పటివరకు లాబుస్చాగ్నే 829 పరుగులు చేశాడు. కాగా, ఈ మ్యాచ్‌లో వీరిద్దరి జోడి రెండో వికెట్‌కు 361 పరుగుల భారీ భాగస్వామ్యాన్ని నెలకొల్పారు. అడిలైడ్ ఓవల్‌లో ఏ వికెట్‌కైనా అత్యధిక భాగస్వామ్యం కావడం విశేషం.

జో బర్న్స్‌ తొలి వికెట్‌గా

జో బర్న్స్‌ తొలి వికెట్‌గా ఔటైన తర్వాత క్రీజ్‌లోకి వచ్చిన లాబుస్చాగ్నే.. వార్నర్‌కు చక్కటి సహకారం అందించాడు. వీరిద్దరూ బ్రిస్బేన్ వేదికగా జరిగిన తొలి టెస్టులో కూడా వీరిద్దరూ సెంచరీలతో మెరిసిన సంగతి తెలిసిందే. రెండో టెస్టులోనూ వీరు తమ జోరుని కొనసాగించడంతో ఆస్ట్రేలియా భారీ స్కోరు దిశగా సాగుతోంది.

స్టీవ్ స్మిత్ హాఫ్ సెంచరీ

లాబుస్చాగ్నే ఔటైన తర్వాత క్రీజులోకి స్టీవ్ స్మిత్ వచ్చాడు. ప్రస్తుతం టీ విరామానికి ఆస్ట్రేలియా 108 ఓవర్లకు గాను 2 వికెట్లు కోల్పోయి 475 పరుగులు చేసింది. క్రీజులో డేవిడ్ వార్నర్(261) ట్రిపుల్ సెంచరీకి చేరువ కాగా... స్టీవ్ స్మిత్(59) హాఫ్ సెంచరీని సాధించాడు.