AUS vs AFG Pitch Report: ఆఫ్ఘనిస్తాన్, ఆస్ట్రేలియా మధ్య డూ ఆర్ డై మ్యాచ్.. పరుగుల వరద పారనుందా?

AUS vs AFG Pitch Report: ఛాంపియన్స్ ట్రోఫీలో శుక్రవారం ఆస్ట్రేలియా, ఆఫ్ఘనిస్తాన్ జట్ల మధ్య డూ ఆర్ డై మ్యాచ్ జరగనుంది. సెమీ ఫైనల్ చేరుకోవడానికి ఈ మ్యాచ్ రెండు జట్లకు చాలా కీలకం. గెలిచిన జట్టు నేరుగా సెమీ-ఫైనల్స్ కు చేరుకుంటుంది. ఓడిపోయిన జట్టు ఛాంపియన్స్ ట్రోఫీ నుంచి నిష్క్రమించడం ఖాయం. ఈ రెండు జట్ల మధ్య ఈ కీలక మ్యాచ్ లాహోర్‌లోని గడాఫీ స్టేడియంలో జరగనుంది.

గడాఫీ స్టేడియంలో పరుగుల వరద పారనుందా?
లాహోర్‌లోని గడాఫీ స్టేడియం పిచ్ బ్యాటింగ్‌కు అనుకూలంగా ఉంటుంది. ఈ అధిక స్కోరింగ్ పిచ్ ఫాస్ట్ బౌలర్లు , స్పిన్నర్లకు పెద్దగా సహకరించదు. ఈ క్రమంలో మరోసారి పిచ్ పై భారీ స్కోర్లు నమోదయ్యే అవకాశం ఉంది. ఈ స్టేడియంలో ఇంగ్లాండ్, ఆసీస్ జట్లు తలపడిన మ్యాచ్ లో 350 కంటే ఎక్కువ లక్ష్యాన్ని ఆస్ట్రేలియా ఛేదించింది. అదే విధంగా ఆఫ్ఘనిస్తాన్, ఇంగ్లాండ్ మధ్య జరిగిన మ్యాచ్ లో ఇరు జట్లు 300 కంటే ఎక్కువ స్కోరును సాధించాయి. ఈ నేపథ్యంలో ఆఫ్ఘనిస్తాన్, ఆస్ట్రేలియా మధ్య జరిగే మ్యాచ్ లో మళ్లీ 300 కంటే అధిక స్కోర్లు నమోదయ్యే అవకాశాలు ఉన్నాయి.

ఇరు జట్ల రికార్డులు ఎలా ఉన్నాయంటే?
ఆస్ట్రేలియా, ఆఫ్ఘనిస్తాన్ 4 వన్డేలలో ముఖాముఖిగా తలపడ్డాయి. ఈ నాలుగు మ్యాచ్‌ల్లోనూ ఆస్ట్రేలియానే గెలిచింది. ఆఫ్ఘనిస్తాన్ ఒక్కసారి కూడా గెలవలేదు. ఇటీవల 2023 ప్రపంచ కప్ సమయంలో ఆఫ్ఘనిస్తాన్ జట్టు ఆస్ట్రేలియాను ఓడించడానికి చాలా దగ్గరగా వచ్చింది.. కానీ గ్లెన్ మ్యాక్స్‌వెల్ అద్భుత డబుల్ సెంచరీ వారి నుంచి ఈ అవకాశాన్ని చేజారేలా చేసింది. అయితే ఆఫ్ఘన్ జట్టును తక్కువగా అంచనా వేయలేం. ఇంగ్లాండ్ పై గెలుపుతో ఊపు మీదున్న ఆఫ్ఘనిస్తాన్.. ఆస్ట్రేలియాను కూడా కట్టడి చేయాలని భావిస్తోంది.

ఇరు జట్లు ఇవే..

ఆఫ్ఘనిస్తాన్ జట్టు: రహ్మానుల్లా గుర్బాజ్(wk), రహ్మత్ షా, అష్మతుల్లా షాహిది (c), సెదికుల్లా అటల్, ఇబ్రహీం జద్రాన్, గుల్బదిన్ నాయిబ్, అజ్మతుల్లా ఒమర్జాయ్, మహ్మద్ నబీ, రషీద్ ఖాన్, ఫజల్ హక్ ఫారూఖీ, నూర్ అహ్మద్

ఆస్ట్రేలియా జట్టు: స్టీవ్ స్మిత్(c), సీన్ అబాట్, అలెక్స్ కేరీ, బెన్ డ్వార్షుయిస్, నాథన్ ఎల్లిస్, జేక్ ఫ్రేజర్-మెక్‌గుర్క్, ఆరోన్ హార్డీ, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మార్నస్ లబుషేన్, గ్లెన్ మ్యాక్స్‌వెల్, తన్వీర్ సంఘ, మాథ్యూ షార్ట్, ఆడమ్ జంపా.