త్వరలోనే టీ20 ఫార్మాట్‌కు డెవిడ్ వార్నర్ గుడ్‌బై!!

David Warner Hints On His Retirement From T20i Cricket || Oneindia Telugu
Australia opener David Warner Hints At Retiring From T20I Cricket

మెల్‌బోర్న్: ఆస్ట్రేలియా డాషింగ్ ఓపెనర్ డేవిడ్‌ వార్నర్‌ త్వరలోనే అంతర్జాతీయ టీ20లకు గుడ్‌బై చెప్పనున్నాడా? అంటే అవుననే సమాధానం వినిపిస్తోంది. తీరిక లేని షెడ్యూల్ కారణంగా మూడు ఫార్మాట్ల‌లో ఆడటం చాలా కష్టంగా ఉందని, ఒక ఫార్మాట్‌కు వీడ్కోలు పలకాలనే ఉద్దేశంలో ఈ ఆసీస్ డాషింగ్ ప్లేయర్ ఉన్నట్లు తెలుస్తోంది. అది కూడా టీ20ల నుంచి తప్పుకోవాలని భావిస్తున్నట్లు తాజాగా ఈఎస్‌పీఎన్ క్రిక్‌ఇన్‌ఫోకు ఇచ్చిన ఇంటర్వ్యూలో అతను మాట్లాడిని మాటలను బట్టి తెలుస్తోంది.

ఈ షెడ్యూల్ నావల్ల కాదు..

ఈ షెడ్యూల్ నావల్ల కాదు..

తీరిక లేని షెడ్యూల్‌పై డేవిడ్ వార్నర్ అసహనం వ్యక్తం చేశాడు. ఈ షెడ్యూలతో మూడు ఫార్మాట్లు ఆడటం తనవల్ల కాదని తెలిపాడు. ‘అంతర్జాతీయ టీ20 ఫార్మాట్‌లో వరల్డ్‌కప్ టోర్నీలు వరుసగా ఉన్నాయి. బహుశా మరి కొన్ని సంవత్సరాలల్లో ఈ ఫార్మాట్‌ నుంచి నేను తప్పుకోవచ్చు. తీరిక లేని ఈ షెడ్యూల్‌ను చూసిన తరువా నాకు మూడు ఫార్మాట్లు ఆడటం చాలా కష్టమనిపించింది. కానీ ఆడాలనుకుంటున్న కుర్రాళ్లలందరికీ గుడ్ లక్. మీరంతా చాలా కాలం అద్భుతంగా ఆడిన ఏబీ డివిలియర్స్, వీరేంద్ర సెహ్వాగ్ వంటి దిగ్గజ ఆటగాళ్లతో మాట్లాడండి.'అని వార్నర్ సూచించాడు.

రికార్డుల రారాజు కోహ్లీకి ఏమైంది? 6 నెలలుగా ఒక్క సెంచరీ లేదు..?

దేశాలు పట్టుకోని తిరగడం బాలేదు..

దేశాలు పట్టుకోని తిరగడం బాలేదు..

తన ముగ్గురు పిల్లలను, భార్యను వదిలేసి క్రికెట్ కోసం దేశాలు పట్టుకోని తిరగడం కష్టంగా ఉందని వార్నర్ చెప్పుకొచ్చాడు. ‘ఇంట్లో ముగ్గురు చిన్న పిల్లలు, నా భార్యను ఒంటిరిగా వదిలేసి నిరంతరం ప్రయాణించడం చాలా కష్టంగా ఉంది. అందుకే ఒక ఫార్మాట్ నుంచి తప్పుకోవాలనుకుంటున్నా. అది మాత్రం అది టీ20లే కావచ్చు.'అని వార్నర్ చెప్పుకొచ్చాడు.

ఈ వీడియో ఏంది ఇవాళ ఇన్నిసార్లు రీట్వీట్ అవుతుంది.. డేవిడ్ వార్నర్‌పై బ్రాడ్ సెటైర్స్

అందుకే బీబీఎల్ ఆడలేదు..

అందుకే బీబీఎల్ ఆడలేదు..

ఇంటర్నేషనల్ కెరీర్‌పై దృష్టిపెట్టాలనే బీబీఎల్ స్కిప్ చేసినట్లు వార్నర్ స్పష్టం చేశాడు. ‘నాకు బీబీఎల్ జట్టు లేదు. బీబీఎల్ జరుగుతున్నంత కాలం నేను విశ్రాంతి తీసుకోవాలనుకున్నాను. శారీరకంగా, మానసికంగా తదుపరి సిరీస్ కోసం సిద్ధం కావాలని బీబీఎల్ ఆడలేదు.'అని ఈ ఆసీస్ ఓపెనర్ తెలిపాడు. ఆస్ట్రేలియా తరఫున 76 అంతర్జాతీయ టీ20లు ఆడిన వార్నర్ ఒక సెంచరీ, 15 హాఫ్ సెంచరీలతో 2079 పరుగులు చేశాడు.

అత్యుత్తమ క్రికెటర్‌గా..

అత్యుత్తమ క్రికెటర్‌గా..

ఆస్ట్రేలియా క్రికెటర్‌ ఆఫ్‌ ది ఇయర్‌ అవార్డును డేవిడ్ వార్నర్ దక్కించుకున్న విషయం తెలిసిందే. 2020 అవార్డుల కోసం నిర్వహించిన ఓటింగ్‌లో స్టీవ్‌ స్మిత్‌ (193 ఓట్లు)ను వార్నర్‌ ఒక్క ఓటు తేడాతో ఓడించి అలెన్‌ బోర్డర్‌ మెడల్‌ను మూడోసారి దక్కించుకున్నాడు. పురుషుల టీ20 ప్లేయర్‌ ఆఫ్‌ ది ఇయర్‌ అవార్డును కూడా వార్నర్‌ సొంతం చేసుకున్నాడు. పురుషుల వన్డే ప్లేయర్‌ ఆఫ్‌ ది ఇయర్‌గా ఆరోన్‌ ఫించ్‌, టెస్ట్‌ ప్లేయర్‌గా లబుషేన్‌ ఎంపికయ్యారు. బెస్ట్‌ ఫిమేల్‌ క్రికెటర్‌ ఆఫ్‌ ది ఇయర్‌గా నిలి చిన ఎలీస్‌ పెర్రీకి బెలిండా క్లార్క్‌ మెడల్‌ లభించింది.

For Quick Alerts
ALLOW NOTIFICATIONS
For Daily Alerts
Story first published: Tuesday, February 11, 2020, 21:24 [IST]
Other articles published on Feb 11, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more