Ashes Series 2021: తుది జ‌ట్లను ప్ర‌క‌టించిన ఆస్ట్రేలియా, ఇంగ్లండ్‌.. కీలక మార్పులతో బరిలోకి

నాలుగు మార్పుల‌తో బ‌రిలోకి ఇంగ్లండ్‌

తొలి రెండు టెస్ట్ మ్యాచ్‌లు ఓడి సిరీస్‌లో వెనుబ‌డిన ఇంగ్లండ్‌కు సిరీస్ కాపాడుకోవాలంటే ఈ మ్యాచ్‌లో గెలుపు త‌ప్ప‌నిస‌రి. ఈ నేప‌థ్యంలో త‌మ తుది జ‌ట్టులో ఇంగ్లండ్ ఏకంగా నాలుగు మార్పులు చేసింది. ఓలీ పోప్ స్థానంలో స్టార్ ఆట‌గాడు జానీ బెయిర్‌స్టో జట్టులోకి వ‌చ్చాడు. అలాగే తొలి రెండు టెస్ట్ మ్యాచ్‌ల్లో విఫ‌ల‌మైన ఓపెన‌ర్ రోరీ బర్న్స్ స్థానంలో జాక్‌ క్రాలీని జ‌ట్టులోకి తీసుకున్నారు. మ‌రోవైపు విశ్రాంతి పేరుతో స్టార్ ఆట‌గాళ్లు క్రిస్‌ వోక్స్‌, స్టువర్ట్‌ బ్రాడ్‌ను ప‌క్క‌నబెట్టారు. వారి స్థానంలో మార్క్‌ వుడ్‌, స్పిన్న‌ర్‌ జాక్‌ లీచ్ జ‌ట్టులోకి వ‌చ్చారు. దీంతో ఈ మ్యాచ్‌లోనైనా ఇంగ్లండ్ సత్తా చాటి సిరీస్ రేసులో నిల‌బ‌డుతుందేమో చూడాలి.

ఇంగ్లండ్ తుది జ‌ట్టు:

హసీబ్ హమీద్, జాక్ క్రాలే, డేవిడ్ మలన్, జో రూట్ (కెప్టెన్), బెన్ స్టోక్స్, జానీ బెయిర్‌స్టో, జోస్ బట్లర్ (వికెట్ కీపర్), మార్క్ వుడ్, అలీ రాబిన్సన్, జాక్ లీచ్, జేమ్స్ అండర్సన్.

జట్టులోకి వ‌చ్చిన ఆసీస్ కెప్టెన్

మ‌రోవైపు అతిథ్య ఆస్ట్రేలియా కూడా త‌మ తుది జ‌ట్టును ప్ర‌క‌టించింది. క‌రోనా సోకిన వ్య‌క్తితో స‌న్నిహితంగా మెలిగిన కార‌ణంగా రెండో టెస్ట్ మ్యాచ్‌కు దూర‌మైన ఆసీస్ కెప్టెన్ పాట్ క‌మిన్స్ మూడో టెస్ట్ మ్యాచ్‌లో ఆడుతున్నాడు. దీంతో రెండో టెస్టులో ఆడిన మైఖేల్ నెజ‌ర్ ఈ మ్యాచ్‌కు దూరం కానున్నాడు. అదే విధంగా మ‌రో పేస‌ర్‌ రిచ‌ర్డ్స‌న్‌ను కూడా ఈ మ్యాచ్ నుంచి త‌ప్పించారు. అత‌ని స్థానంలో స్కాట్ బోలాండ్ ఆడ‌నున్నాడు. గాయం కార‌ణంగా పేస‌ర్ హేజిల్‌వుడ్ ఈ మ్యాచ్ కూడా ఆడ‌డం లేదు.

ఆస్ట్రేలియా తుది జ‌ట్టు:

డేవిడ్ వార్నర్, మార్కస్ హారిస్, మార్నస్ ల‌బుషేన్‌, స్టీవ్ స్మిత్, ట్రావిస్ హెడ్, కామెరాన్ గ్రీన్, అలెక్స్ కారీ (వికెట్ కీపర్), పాట్ కమిన్స్ (కెప్టెన్), మిచెల్ స్టార్క్, నాథన్ లియాన్, స్కాట్ బోలాండ్.