Click it and Unblock the Notifications
ఆ ప్రాక్టీస్ వేస్ట్..
నాగ్పూర్లో జరిగిన తొలి టెస్టుకు ముందు కూడా ఆసీస్ బ్యాటర్లు తెగ కష్టపడ్డారు. అశ్విన్ను ఎదుర్కొనేందుకు పెద్ద ప్లాన్ వేశారు. అచ్చం అతనిలాగే బౌలింగ్ చేసే కుర్రాడిని తీసుకొచ్చి నెట్స్లో బౌలర్గా పెట్టుకున్నారు. ఇంత చేసినా వాళ్ల తలరాత మాత్రం మారలేదు. అశ్విన్, జడేజా బౌలింగ్కు బెంబేలెత్తిపోయారు. ఆ టెస్టులో తొలి ఇన్నింగ్స్లో 177 పరుగులు చేసిన ఆ జట్టు.. రెండో ఇన్నింగ్స్లో కేవలం 91 పరుగులకే కుప్పకూలిన సంగతి తెలిసిందే.
వాళ్లిద్దరే కీలకం..
ఈ క్రమంలోనే రెండో టెస్టులో ఎలాగైనా గెలవాలని ఆసీస్ భావిస్తోంది. ఈ భారం ఎక్కువగా పడేది మిడిలార్డర్పైనే. ముఖ్యంగా స్టీవ్ స్మిత్, మార్నస్ లబుషేన్.. ఈ ఇద్దరూ కనుక భారీ స్కోర్లు చేయకపోతే ఆసీస్ ఈ సిరీస్లో వైట్ వాష్ ఎదుర్కొంటుందని సునీల్ గవాస్కర్ వంటి వాళ్లు హెచ్చరికలు కూడా చేశారు. అది చూస్తేనే వాళ్లు ఆ జట్టులో ఎంత కీలకమో తెలుస్తుంది. వీళ్లిద్దరూ కూడా ఈ విషయం అర్థం చేసుకున్నారు. అందుకునే స్పిన్నర్లను ఎదుర్కోవడానికి వింత ప్రాక్టీస్ చేస్తున్నారు.
వింత ప్రాక్టీస్ సెషన్..
రెండో టెస్టుకు ముందు స్మిత్, లబుషేన్ ప్రాక్టీస్ చేస్తున్న ఫొటోలు నెట్టింట తెగ వైరల్ అవుతున్నాయి. ఒకే నెట్లో వికెట్ల ముందు స్టీవ్ స్మిత్ నిలబడి ప్రాక్టీస్ చేస్తుండగా.. వికెట్ల వెనుక లబుషేన్ నిలబడి బ్యాటింగ్ చేస్తున్నాడు. ఈ ఫొటోలు చూసిన ఫ్యాన్స్ కళ్లు బైర్లు కమ్మాయి. 'అరేయ్ నాయనా.. బ్యాటింగ్ ప్రాక్టీస్ చేయండ్రా అంటే ఇలా కొత్త కొత్త ప్రయోగాలు ఎందుకురా?' అంటూ వాళ్లను ఎద్దేవా చేస్తున్నారు. కొందరేమో అశ్విన్, జడ్డూను ఎదుర్కోవాలంటే ఇలా ప్రాక్టీస్ చేయకతప్పదంటూ కామెంట్లు చేస్తున్నారు. 'ఒకళ్లు స్పిన్ అయిన బంతిని, మరొకరు స్ట్రెయిట్గా వచ్చే బంతిని ఆడేందుకే ఈ ప్రాక్టీస్' అంటూ కొందరు జోకులు పేలుస్తున్నారు.
Continue with Google