Asia Cup 2025: ఈ సారి విజేత ఎవరో తెలుసా?

Asia Cup 2025: ఆసియా కప్ 2025 కోసం భారత జట్టును ప్రకటించే ముందు టోర్నమెంట్ విజేత గురించి అంచనాలు మొదలయ్యాయి. ఆసియా కప్ టోర్నీ ప్రారంభం కాకముందే భారత మాజీ క్రికెటర్ చేతన్ శర్మ ఈ సారి విజేతగా భారత జట్టు నిలుస్తుందని గట్టి నమ్మకం వ్యక్తం చేశారు. టీమ్ ఎంపికపై మాట్లాడుతూ.. భారత జట్టులో ఏ ఆటగాడిని ఎంపిక చేసినా వారందరూ దేశంలోని అత్యుత్తమ ఆటగాళ్లు అని, జట్టు చాలా బలంగా ఉందని ఆయన వివరించారు. ముఖ్యంగా ఇంగ్లండ్ జట్టుతో ఇటీవల జరిగిన మ్యాచ్‌లలో టీమిండియా ప్రదర్శన చాలా మెరుగ్గా ఉందని ఆయన ప్రశంసించారు.

భారత జట్టులో ఏ ఆటగాడిని ఎంపిక చేసినా వారు దేశంలో ఉత్తమ ఆటగాళ్లు అవుతారని చేతన్ శర్మ అన్నారు. దీనితో పాటు టీమిండియా ఆసియా కప్ గెలుస్తుందని, ఈ సారి టోర్నమెంట్ టీ20 ఫార్మాట్‌లో జరగనుందని వెల్లడించారు. మొత్తం ఎనిమిది జట్టు ఈ టోర్నమెంట్‌లో పాల్గొంటాయి. అవి: భారత్, పాకిస్థాన్, ఆఫ్ఘనిస్థాన్, బంగ్లాదేశ్, శ్రీలంక, యూఏఈ, ఒమన్, హాంకాంగ్.