ఆసియా కప్‌లో టాప్ వికెట్ టేకర్లు.. టాప్-5లో ఒక్క ఇండియన్ కూడా లేడుగా..!

ప్రస్తుతం ఆసియా క్రికెట్ టీమ్స్ అన్నీ కూడా ఆసియా కప్ కోసం రెడీ అవుతున్నాయి. ఈ నెలాఖరు నుంచి ఈ టోర్నీ మొదలవుతుంది. మరి ఇలాంటి సమయంలో ఆసియా కప్ హిస్టరీలో అత్యధిక వికెట్లు తీసుకున్న బౌలర్ల వివరాలు చూస్తే వీరిలో ఎక్కువ మంది శ్రీలంక బౌలర్లే ఉన్నారు.

ముత్తయ్య మురళీధరన్:శ్రీలంక లెజెంబ్ మురళీధరన్ ఈ లిస్టులో టాప్ ప్లేస్‌లో ఉన్నాడు. అతను ఆసియా కప్‌లో 24 మ్యాచులు ఆడాడు. వీటిలో 30 వికెట్లు తన ఖాతాలో వేసుకున్నాడు. ఒకసారి ఐదు వికెట్ల హాల్ తీసుకున్నాడు.

లసిత్ మలింగ:ఆసియా కప్‌ హిస్టరీలో రెండో టాప్ వికెట్ టేకర్ కూడా శ్రీలంక నుంచే ఉండటం గమనార్హం. శ్రీలంక లెజెండ్ లసిత్ మలింగ ఈ టోర్నీ చరిత్రలో 14 మ్యాచులు ఆడి, 29 వికెట్లు తీసుకున్నాడు. అంతేకాదు మూడుసార్లు ఐదు వికెట్ల హాల్ తీసుకున్నాడు.

అజంతా మెండిస్:ఆసియా కప్‌లో అత్యధిక వికెట్లు తీసుకున్న మూడో బౌలర్ కూడా శ్రీలంక ప్లేయరే కావడం విశేషం. లంక స్పిన్ మెజీషియన్ అజంతా మెండిస్ ఈ టోర్నీలో 8 మ్యాచులు ఆడాడు. వీటిలో రెండు సార్లు ఐదు వికెట్ల హాల్ తీసుకున్న మెండిస్.. ఓవరాల్‌గా 26 వికెట్లతో ఆకట్టుకున్నాడు.

సయీద్ అజ్మల్:పాక్ లెజెండరీ స్పిన్నర్ సయీద్ అజ్మల్ కూడా ఆసియా కప్‌లో ఆకట్టుకున్నాడు. మొత్తం 12 మ్యాచులు ఆడిన అతను 25 వికెట్లు తన ఖాతాలో వేసుకున్నాడు.

చమిండా వాస్:ఆసియా కప్‌లో టాప్ వికెట్ టేకర్ల టాప్-5 బౌలర్లలో నలుగురు శ్రీలంక వాళ్లే కావడం గమనార్హం. ఈ లిస్టులో ఐదో ప్లేయర్ లంక పేసర్ చమిండా వాస్. అతను 19 మ్యాచుల్లో 23 వికెట్లు తీసుకున్నాడు.

ఇర్ఫాన్ పఠాన్:ఇక టాప్-5లో చోటు దక్కకపోయినా ఆసియా కప్‌లో మోస్ట్ సక్సెస్ ఫుల్ ఇండియన్ బౌలర్ ఎవరంటే ఇర్ఫాన్ పఠాన్ పేరు చెప్పాల్సిందే. ఈ టోర్నీలో 12 మ్యాచులు ఆడిన పఠాన్ 22 వికెట్లు తన ఖాతాలో వేసుకున్నాడు.