డెన్నిస్ లిల్లీ రికార్డు సమం
లార్డ్స్ వేదికగా జరిగిన రెండో టెస్టులో లయాన్ 3-68 ప్రదర్శనతో డెన్నిస్ లిల్లీ రికార్డుని సమం చేశాడు. అంతేకాదు తొలి ఇన్నింగ్స్లో ఆతిథ్య ఇంగ్లాండ్ను 258 పరుగులకే కట్టడి చేయడంలో కీలకపాత్ర పోషించాడు. ఐదు టెస్టుల యాషెస్ సిరిస్లో భాగంగా హెడెంగ్లీ వేదికగా గురువారం నుంచి మూడో టెస్టు ప్రారంభం కానుంది.
నాథన్ లయాన్ మాట్లాడుతూ
ఈ నేపథ్యంలో నాథన్ లయాన్ మాట్లాడుతూ "వ్యక్తిగత మైలురాళ్ల కోసం నేను ఆరాటపడను. సుదీర్ఘ ఫార్మాట్లో జట్టును గెలిపించాలనే ఆలోచిస్తాను. రికార్డుల గురించి ఆలోచించే సమయం నాకు లేదు. షేన్ వార్న్, మెక్గ్రాత్, లిల్లీతో నన్ను నేను చూసుకోవడానికి కృషిచేస్తున్నాను" అని వెల్లడించాడు.
70 టెస్టులు ఆడి 355 వికెట్లు
ఇక, 1984లో అంతర్జాతీయ క్రికెట్కు వీడ్కోలు పలికిన డెన్నిస్ లిల్లీ ఆస్ట్రేలియా తరుపున 70 టెస్టులు ఆడి 355 వికెట్లు తీయగా... నాథన్ లయాన్ 88 టెస్టుల్లో ఈ ఘనత సాధించాడు. ప్రస్తుతం జరుగుతున్న యాషెస్ సిరిస్లో 12 వికెట్లు తీయడం ద్వారా ఈ సిరీస్లో అత్యధిక వికెట్లు తీసిన ఆటగాళ్ల జాబితాలో రెండో స్థానంలో కొనసాగుతున్నాడు.
లార్డ్స్ వేదికగా జరిగిన రెండో టెస్టు డ్రా
ఎడ్జిబాస్టన్ వేదికగా జరిగిన తొలి టెస్టులో ఆస్ట్రేలియా విజయం సాధించగా... లార్డ్స్ వేదికగా జరిగిన రెండో టెస్టు డ్రాగా ముగిసింది. దీంతో ప్రస్తుతం యాషెస్ సిరిస్లో ఆస్ట్రేలియా జట్టు 1-0 ఆధిక్యంలో ఉంది. లార్డ్స్ వేదికగా జరిగిన రెండో టెస్టులో తొలి రోజు వర్షం కారణంగా ఆట తుడిచిపెట్టుకు పోగా ఆ తర్వాత ఉత్కంఠగా మారి... చివరకు డ్రాగా ముగిసింది.