క్రికెట్‌కు గుడ్‌బై: ఏడుగురు బాలీవుడ్ హీరోయిన్లతో యువరాజ్ లవ్ ఎఫైర్

కిమ్ శర్మ

కిమ్ శర్మ... కృష్ణవంశీ దర్శకత్వంలో వచ్చిన ఖడ్గం సినిమాలో హీరోయిన్‌గా నటించింది. యువరాజ్ సింగ్ తన కెరీర్ తొలినాళ్లలో కిమ్ శర్మతో ప్రేమాయణం నడిపాడు. సుమారు నాలుగేళ్ల పాటు కిమ్ శర్మతో డేటింగ్ చేసిన అనంతరం 2007లో ఇద్దరూ విడిపోయారు.

ప్రీతి జంగాని

కిమ్ శర్మతో బ్రేకప్ అయిన తర్వాత యువరాజ్ సింగ్ బాలీవుడ్ నటి ప్రీతి జంగానీతో ప్రేమాయణం నడిపాడు. ప్రీతి జంగానీ కూడా పలు తెలుగు సినిమాల్లో నటించింది. పవర్ స్టార్ పవన్ కళ్యాణ్ నటించిన తమ్ముడు సినిమాలో ఈమెనే హీరోయిన్. అయితే, ఈమెతో యువీ ఎక్కువ కాలం డేటింగ్ చేయలేదు.

ప్రీతి జింటా

ఇండియన్ ప్రీమియర్ లీగ్(ఐపీఎల్)లో కింగ్స్ ఎలెవన్ పంజాబ్ జట్టు సహా యజమానిగా ఉన్న ప్రీతి జింటాతో యువరాజ్ డేటింగ్ చేసినట్లు అప్పట్లో వార్తలు వచ్చాయి. ప్రీతిజింటాని యువరాజ్ హగ్ చేసుకున్న ఫోటోలు అప్పట్లో సోషల్ మీడియాలో తెగ వైరల్ అయ్యాయి.

దీపికా పదుకొణె

యువరాజ్ సింగ్ ఎక్కువ కాలం డేటింగ్ చేసిన బాలీవుడ్ నటి ఎవరైనా ఉన్నారంటే ఆమె దీపికా పదుకొణెనే. టీ20 వరల్డ్‌కప్ 2007లో యువీ అద్భుత ప్రదర్శన అనంతరం వీరిద్దరూ ప్రేమలో పడినట్లు వార్తలు వచ్చాయి. ఆ తర్వాత యువరాజ్ మ్యాచ్‌లు ఆడే సందర్భంలో దీపికా అతడికి మద్దతుగా స్టేడియానికి వచ్చి ఛీరింగ్ చెప్పడంతో పాటు ఒకానొక సమయంలో అతడి పుట్టినరోజు వేడుకలను కూడా ఘనంగా నిర్వహించింది.

రియా సేన్

బెంగాలీ బ్యూటీ రియా సేన్‌తో కూడా యువరాజ్‌కు లవ్ ఎఫైర్ ఉన్నట్లు అప్పట్లో వార్తలు వచ్చాయి. దీపికా పదుకొణెతో బ్రేకప్ అయిన తర్వాత ఓ పార్టీలో రియా సేన్‌ను కలవడం ఆ తర్వాత వీరిద్దరూ డేటింగ్‌లో మునిగిపోయారు. వీరిద్దరూ ఒకరి చేతులను మరొకరు పట్టుకున్న ఫోటోలు అప్పట్లో వైరల్ అయ్యాయి.

మనీషా లాంబ

2011లో మనీషా లాంబను యువరాజ్ సింగ్ ముద్దు పెట్టుకున్న ఫోటో ఒకటి సోషల్ మీడియాలో వైరల్ అయింది. అయితే, ఆ తర్వాత మనీషా లాంబ ఆ వార్తలను ఖండించారు. ఆ ఫోటోలో ఉన్నది తాను కాదని, తన పోలికలతో ఉన్న మరో అమ్మాయి అని వెల్లడించింది.

నేహా ధూపియా

2014లో యువరాజ్ సింగ్, నేహా ధూపియా ప్రేమలో పడినట్లు వార్తలు వచ్చాయి. సోఫియా చౌదరి పుట్టినరోజు వేడుకలకు వీరిద్దరూ కలిసి రావడంతో ఈ వార్తలకు మరింత బలం చేకూరింది. అయితే, ఆ తర్వాత ఈ వార్తలను నేహా ధూపియా ఖండించారు.