కొంతమంది ఎప్పటికీ ఎదగరు: మరోసారి అఫ్రిది vs గంభీర్ ట్విట్టర్ వార్

హైదరాబాద్: కశ్మీరి ప్రజలకు సంఘీభావంగా పాకిస్థాన్‌లో శుక్రవారం మధ్యాహ్నం 12 గంటలకు ఆర్మీ చేపట్టే నిరసన కార్యక్రమంలో తాను పాలుపంచుకుంటానని పాక్ మాజీ క్రికెటర్ షాహిద్ అఫ్రిది చేసిన ట్వీట్‌పై టీమిండియా మాజీ ఓపెనర్, బీజేపీ ఎంపీ గౌతమ్ గంభీర్ స్పందించాడు.

India vs West Indies: జమైకాలో ధోని రికార్డు బద్దలవడం ఖాయం!

ఈ సందర్భంగా గురువారం ప్రముఖ వార్తా సంస్థ ఎఎన్ఐకి ఇచ్చిన ఇంటర్యూలో గంభీర్ మాట్లాడుతూ "కొంతమంది ఎప్పటికీ ఎదగరు. వాళ్లు క్రికెట్ ఆడుతారు కానీ, వాళ్ల‌కు వ‌య‌సు పెర‌గ‌ద‌ు. అఫ్రీది లాంటి ఆట‌గాళ్ల‌కు బుద్ధి పెర‌గ‌లేద‌ు" అని అన్నాడు. అయితే గంభీర్-అఫ్రిది మధ్య మాటల యుద్ధం జరగడం ఇదే మొదటిసారి కాదు.

#WATCH BJP MP and former cricketer Gautam Gambhir on former Pakistani cricketer, Shahid Afridi's tweet on Kashmir: Some people never grow up, they play cricket but they never age, their brains don't grow either. pic.twitter.com/daCosLug6Y

— ANI (@ANI) August 29, 2019

కశ్మీరీ ప్రజలకు సంఘీభావంగా ప్రతీ శుక్రవారం 'కశ్మీర్ అవర్' పేరిట ఓ కార్యక్రమం చేపడతామని పాక్ ప్రధాని, మాజీ కెప్టెన్ ఇమ్రాన్ ఖాన్ ఇటీవల ప్రకటించిన సంగతి తెలిసిందే. యువ‌త నిర‌స‌న ప్ర‌ద‌ర్శ‌న‌లో పాల్గొనాల‌ని అఫ్రీదీ త‌న ట్విట్ట‌ర్‌లో కోరారు. ఈ నేపథ్యంలో గంభీర్ తనదైన శైలిలో స్పందించాడు.

సానియా మిర్జాకు పీటీ ఉషకు తేడా తెలియదా?: విశాఖ బీచ్‌రోడ్‌లో ఫోటో వైరల్

ఆగస్టు 30వ తేదీన శుక్రవారం 12 గంటలకు 'కశ్మీర్ అవర్' పేరిట సంఘీభావం కోసం సైరన్ మోగిస్తాం. ఈ నిరసన కార్యక్రమంలో పాక్ ప్రజలందరూ పాల్గొనాలని ఆర్మీ అధికార ప్రతినిధి మేజర్ జనరల్ ఆసిఫ్ గఫూర్ ప్రకటించారు. పాక్ ఆర్మీ ప్రకటన అనంతరం కశ్మీర్ ప్రజలకు సంఘీభావంగా చేపట్టనున్న నిరసనలో తాను కూడా పాల్గొంటానని అఫ్రీది అన్నాడు.

ఈ మేరకు ట్విట్టర్‌లో "ప్రధాని ఇమ్రాన్ ఖాన్ పిలుపుకు మద్దతు ఇద్దాం. శుక్రవారం మధ్యా హ్నం 12 గంటలకు మజర్ ఈ ఖైద్ (జిన్నా సమాధి)ని సందర్శిస్తా. కశ్మీరీ ప్రజలకు సంఘీభావం తెలిపేందుకు నాతో చేతులు కలపండి. సెప్టెంబర్ 6న ఓ అమర జవాన్ ఇంటికి వెళతా. త్వరలో ఎల్‌వోసీకి కూడా వెళతా" అంటూ ట్వీట్ చేశాడు.

Let’s respond to PM call for Kashmir Hour as a nation. I will be at Mazar e Quaid at 12 pm on Friday. Join me to express solidarity with our Kashmiri brethren.
On 6 Sep I will visit home of a Shaheed. I will soon be visiting LOC.

— Shahid Afridi (@SAfridiOfficial) August 28, 2019