అజింక్య రహానేకు బీసీసీఐ నుంచి పెన్షన్.. ప్రతి నెలా ఎంత వస్తుందో తెలుసా?

Ajinkya Rahane: టీమిండియా సీనియర్ క్రికెటర్ అయిన అజింక్య రహానే జులై 30న అంతర్జాతీయ క్రికెట్‌కు వీడ్కోలు పలికిన సంగతి తెలిసిందే. క్రికెట్లోని అన్ని ఫార్మాట్ల నుంచి తప్పుకుంటున్నట్లు జులై 30వ తేదీన అజింక్య రహానే ప్రకటించాడు. భారత క్రికెట్లో విజయవంతమైన బ్యాటర్లలో ఒకరిగా గుర్తింపు పొందిన అజింక్య రహానే.. తన కెరీర్లో ఎన్నో చిరస్మరణీయ ఇన్నింగ్స్ ఆడాడు. ముఖ్యంగా విదేశీ గడ్డపై అజింక్య రహానే ప్రదర్శనలు, కూల్ కెప్టెన్సీ లక్షణాలు అజింక్య రహానేకు భారత క్రికెట్లో గొప్ప స్థానాన్ని సంపాదించి పెట్టాయి.

అజింక్య రహానే కెరీర్లో అత్యంత కీలకమైన ఘట్టం 2020-21లో వచ్చింది. ఆస్ట్రేలియా పర్యటనలో విరాట్ కోహ్లీ జట్టులో లేకపోవడంతో అజింక్య రహానే భారత జట్టుకు కెప్టెన్‌గా వ్యవహరించి చారిత్రాత్మక బోర్డర్-గావస్కర్ ట్రోఫీ విజయాన్ని అందించాడు. ఇప్పుడు క్రికెట్ నుంచి రిటైర్ అయిన తర్వాత, రహానే కొత్త ఇన్నింగ్స్ ప్రారంభించనున్నాడు. రిటైర్మెంట్ అనంతరం అజింక్య రహానేకు బీసీసీఐ నుంచి ప్రతి నెలా పెన్షన్ అందనుంది. 2022లో బీసీసీఐ మాజీ అధ్యక్షుడు సౌరవ్ గంగూలీ హయాంలో రిటైర్ అయిన క్రికెటర్ల పెన్షన్ మొత్తాన్ని పెంచుతూ బీసీసీఐ కీలక నిర్ణయం తీసుకుంది. అంతకు ముందు నెలకు రూ.50 వేలుగా ఉన్న పెన్షన్ ను రూ.70 వేలకు పెంచింది. 85 టెస్ట్ మ్యాచ్‌లు ఆడిన అజింక్య రహానే ఇకపై ప్రతి నెలా రూ.70 వేల పెన్షన్ అందుకోనున్నాడు.

అజింక్య రహానేకు ప్రతి నెలా రూ.70 వేలు
రిటైర్ అయిన అనంతరం అజింక్య రహానే ప్రతి నెలా రూ.70 వేల పెన్షన్ పొందుతాడు. రహానే క్రికెట్ కెరీర్‌కు చేసిన సేవలకు గౌరవసూచకంగా ఈ మొత్తాన్ని బీసీసీఐ అందిస్తుంది. అయితే భవిష్యత్తులో అజింక్య రహానే కోచ్, మెంటర్ లేదా ఏదైనా పదవి వంటి ఏదైనా అధికారిక పాత్రలో బీసీసీఐలో చేరి ప్రతిఫలంగా వేతనం పొందినట్లయితే ఆయన పెన్షన్ తాత్కాలికంగా నిలిపివేయబడుతుంది. ఆయన బోర్డు ఉద్యోగం ముగిసిన తర్వాత లేదా జీతం ఆగిపోయిన తర్వాత పెన్షన్ తిరిగి ప్రారంభం కావచ్చు.

85 టెస్ట్ మ్యాచ్‌ల కెరీర్ తర్వాత రహానే కొత్త ఇన్నింగ్స్
అజింక్య రహానే తన కెరీర్‌లో ఇండియా తరపున అనేక కీలక మ్యాచ్‌లలో తన వంతు సహకారం అందించాడు. రహానే టెస్ట్ క్రికెట్‌లో టీమిండియాకు కీలక బ్యాటర్‌గా ఉంటూ, అనేక సందర్భాల్లో క్లిష్ట పరిస్థితుల్లో జట్టుకు నాయకత్వం వహించాడు.రిటైర్మెంట్ తర్వాత, తాను క్రికెట్‌తో సంబంధం కొనసాగించాలని కోరుకుంటున్నట్లు, అలాగే యువ ఆటగాళ్లను తీర్చిదిద్దడంలో తన పాత్ర పోషించవచ్చని అజింక్య రహానే సూచించాడు. అతను కోచ్‌గానో, మార్గదర్శకుడిగానో, లేక మరేదైనా పాత్రలోనో క్రికెట్ ప్రపంచానికి తన సహకారాన్ని ఎలా కొనసాగిస్తాడో వేచి చూడాలి.