హైదరాబాద్: సఫారీలు మ్యాచ్ ఓడినా మార్క్రమ్ కొట్టిన షాట్ మ్యాచ్కే హైలెట్గా నిలిచింది. ఆస్ట్రేలియా ఫాస్ట్ బౌలర్ మిచెల్ స్టార్క్ అడిలైడ్ స్టేడియంలో శుక్రవారం జరిపిన ప్రదర్శన పేలవంగా ముగిసింది. దక్షిణాఫ్రికాతో ముగిసిన రెండో వన్డేలో ఆస్ట్రేలియా 7 పరుగుల తేడాతో గెలుపొందినా.. మిచెల్ స్టార్క్ బౌలింగ్ని సఫారీ బ్యాట్స్మెన్ ఉతికారేశారు.
ముఖ్యంగా.. మార్క్రమ్ (19: 17 బంతుల్లో 2ఫోర్లు, 1 సిక్సు) బాదిన ఓ సిక్స్ మ్యాచ్కే హైలైట్గా నిలిచింది. 150.8 కిమీ వేగంతో మిచెల్ స్టార్క్ ఆఫ్ స్టంప్కి వెలుపలగా బంతిని విసరగా.. మిడ్ వికెట్ దిశగా దాన్ని మర్క్రమ్ స్టాండ్స్లోకి తరలించేశాడు. 95 మీటర్ల దూరంలో పడిన ఆ బంతిని.. స్టాండ్స్లో ఓ అభిమాని క్యాచ్గా అందుకుని కొన్ని క్షణాలు సంబరాలు చేసుకున్నాడు.
This was a serious shot off a rapid Starc delivery, but how's the catch from Old Mate in the crowd?! #AUSvSA pic.twitter.com/nvTl9Siwde
— cricket.com.au (@cricketcomau) November 9, 2018
మ్యాచ్లో టాస్ గెలిచిన దక్షిణాఫ్రికా కెప్టెన్ డుప్లెసిస్.. ఆస్ట్రేలియాని బ్యాటింగ్కు ఆహ్వానించాడు. కెప్టెన్ అరోన్ ఫించ్ (41: 63 బంతుల్లో 4ఫోర్లు), క్రిస్లిన్ (44: 44 బంతుల్లో 3ఫోర్లు, 3సిక్సు), అలెక్స్ కారీ (47: 72 బంతుల్లో 4ఫోర్లు) ఫర్వాలేదనిపించినా.. మిగిలిన బ్యాట్స్మెన్ విఫలమవడంతో తొలుత బ్యాటింగ్ చేసిన ఆస్ట్రేలియా జట్టు 48.3 ఓవర్లలో 231 పరుగులకి ఆలౌటైంది. సఫారీ బౌలర్లలో రబాడ 4 వికెట్లు పడగొట్టగా.. ప్రిటోరియస్ 3 వికెట్లు తీశాడు.
స్వల్ప లక్ష్య ఛేదనలో తడబడిన దక్షిణాఫ్రికా జట్టు 14.4 ఓవర్లు ముగిసే సమయానికే డికాక్ (9), మకరమ్ (16), హెండ్రిక్స్ (19), హెన్రిచ్ (14) వికెట్లు కోల్పోయి 68/4తో ఇబ్బందుల్లో పడింది. ఒత్తిడిలోనే ఆఖరికి 224/9కే పరిమితమై పరాజయాన్ని మూటగట్టుకుంది. ఆఖరి ఓవర్లో దక్షిణాఫ్రికా జట్టు విజయానికి 20 పరుగులు అవసరంకాగా.. స్పిన్నర్ మాక్స్వెల్ బౌలింగ్లో తాహిర్ రెండు ఫోర్లు బాదినా.. ఆఖరికి 12 పరుగులు మాత్రమే వచ్చాయి. ఆస్ట్రేలియా జట్టులో స్టాయినిస్ మూడు వికెట్లు పడగొట్టాడు.