ఆ ఇద్దరితో పోరాడితే అగార్కర్‌కు ఓటమి తప్పదు: ఇంగ్లీష్ దిగ్గజం స్ట్రాంగ్ వార్నింగ్!

ప్రస్తుతం విరాట్ కోహ్లీ, రోహిత్ శర్మల అంతర్జాతీయ క్రికెట్ భవిష్యత్తు గురించి పెద్ద చర్చ జరుగుతోంది. ముఖ్యంగా ఆస్ట్రేలియాపై మూడు మ్యాచ్‌ల వన్డే సిరీస్‌కు శుభ్‌మన్ గిల్‌ను భారత్ కు కొత్త వన్డే కెప్టెన్ గా ప్రకటించిన అనంతరం ఈ చర్చ తెరపైకి వచ్చింది. ఈ సిరీస్ అక్టోబర్ 19 నుంచి ప్రారంభం కానుంది. రోహిత్ శర్మ, విరాట్ కోహ్లీలను ఈ సిరీస్‌కు కేవలం బ్యాటర్లుగా మాత్రమే జట్టులోకి తీసుకున్నారు. అయితే వారి పాత్రపై ఉన్న అనిశ్చితి ఈ చర్చకు దారితీసింది. 2027 వన్డే ప్రపంచ కప్‌ను జట్టు ప్రధాన లక్ష్యంగా పెట్టుకోవడంతో ఆస్ట్రేలియా పర్యటన ఈ ఇద్దరు అంతర్జాతీయ కెరీర్లో చివరి ఘట్టం కావచ్చనే ఊహాగానాలు జోరందుకున్నాయి. ఈ వివాదంపై చీఫ్ సెలెక్టర్ అజిత్ అగార్కర్ వైఖరిని ఓ ఇంగ్లీష్ దిగ్గజం తీవ్రంగా విమర్శించారు.

అజిత్ అగార్కర్‌కు కష్టంగా ముగిసే అవకాశం
ఓ ఆటగాడు ఫిట్‌గా, అందుబాటులో ఉన్నట్లయితే జాతీయ జట్టులో స్థానం నిలబెట్టుకోవడానికి తప్పనిసరిగా దేశవాళీ క్రికెట్ ఆడాలని చీఫ్ సెలెక్టర్ అజిత్ అగార్కర్ స్పష్టం చేశారు. అయితే ఇంగ్లాండ్ మాజీ పేసర్ స్టీవ్ హార్మిసన్ అజిత్ అగార్కర్ వైఖరి.. ముఖ్యంగా రోహిత్, కోహ్లీ వంటి దిగ్గజాల విషయంలో తప్పనిసరి పొరపాటు అని భావిస్తున్నారు. స్టీవ్ హార్మిసన్ మాట్లాడుతూ.. "దురదృష్టవశాత్తూ అజిత్ అగార్కర్‌కు ఇది కష్టంగా ముగిసే అవకాశం ఉందని నేను భావిస్తున్నాను. ఈ విషయంలో గెలిచేవారు మాజీ కెప్టెన్లే.. మాజీ ఆల్ రౌండర్ కాదు కాదు" అని అన్నారు. ఆయన ఇంకా మాట్లాడుతూ, "అయితే, అగార్కర్ కేవలం కోహ్లి, రోహిత్ శర్మల మధ్య అగ్నిని రాజేయడానికి ఇలా చెబుతున్నట్లయితే, అది పర్వాలేదు. మీ పత్రాలను (పాచికలు) విప్పి, ఏమి జరుగుతుందో చూడండి," అన్నారు.

ప్రపంచకప్‌లో రోహిత్-కోహ్లీ లేకుంటే ఇబ్బందే..
ఆ ఇద్దరు ఆటగాళ్లు భారత్‌కు ముఖ్యమే అయినప్పటికీ, వన్డే క్రికెట్‌లో కోహ్లి ప్రభావం చాలా ఎక్కువ అని స్టీవ్ హార్మిసన్ వివరించారు. ఆయన మాట్లాడుతూ, "కోహ్లికి కొంచెం ఎక్కువ బలం ఉందని నేను భావిస్తున్నాను. కోహ్లీ ఖాతాలో పరుగులు ఉన్నాయి, అతనికంటూ ఒక పేరు ఉంది. రోహిత్ శర్మకు అంతగా లేదు. రోహిత్ శర్మ కొంచెం పెద్దవాడు. అతను విరాట్ అంత ప్రభావవంతమైన వన్డే క్రికెటర్‌గా లేడు" అని అన్నారు. సెలెక్టర్లు కోహ్లీ లేకుండా జట్టును నిర్మించడానికి ప్రయత్నిస్తే, భారత్ ఆయన లేని లోటును తీవ్రంగా అనుభవిస్తుందని మాజీ ఇంగ్లీష్ ఫాస్ట్ బౌలర్ హెచ్చరించారు.

ఒక విరాట్ లేకుండా ప్రపంచ కప్ కు వెళ్తే.. ఆస్ట్రేలియా లేదా ఇంగ్లాండ్‌పై 350 పరుగుల లక్ష్యాన్ని ఛేదిస్తున్నప్పుడు నంబర్ నాలుగులో గేమ్ గెలిపించగలిగే 90 సగటు ఉన్న ఆటగాడు లేకపోతే జట్టు ఎక్కడ ఉంటుందో చూడాలని అన్నారు. అజిత్ అగార్కర్ పోరాటం కావాలని కోరుకుంటే.. అతనికి అది లభిస్తుంది కానీ అతను గెలవలేడన్నారు. వచ్చే వన్డే ప్రపంచకప్‌లో కోహ్లీ జట్టులో లేకపోతే, జట్టు ఓడిపోవడం ప్రారంభిస్తే, భారత జట్టు ఆయనను చాలా మిస్ అవుతుందని ఆయన సరదాగా అన్నారు.