కెప్టెన్గా స్మిత్:
2023 వన్డే ప్రపంచకప్కి ఆస్ట్రేలియా టీమ్ ఇలా ఉండబోతోందని శుక్రవారం పాక్స్ క్రికెట్ 11 మందితో కూడిన ఆసీస్ జట్టును విడుదల చేసింది. ఈ జట్టులో ఆస్ట్రేలియా పరిమిత ఓవర్ల కెప్టెన్ అరోన్ ఫించ్కి చోటు దక్కలేదు. అయితే పాక్స్ క్రికెట్ స్టీవ్ స్మిత్ని కెప్టెన్గా ఎంపిక చేసింది. ఇక్కడ ఫించ్ సహచరుడు డేవిడ్ వార్నర్ మాత్రం ఓపెనర్గా ఎంపికయ్యాడు. 2023 ప్రపంచకప్కి భారత్ ఆతిథ్యమివ్వనుంది.
ఓపెనర్గా జోష్ ఫిలిప్
డేవిడ్ వార్నర్కు జతగా జోష్ ఫిలిప్ ఓపెనర్గా ఎంపికయ్యాడు. టోర్నమెంట్ జరిగే సమయానికి ఫించ్, వార్నర్ ఇద్దరికీ 36 సంవత్సరాలు వస్తాయి. అయితే ఫించ్ను ఎంపికచేసుకోకపోవడం విశేషం. మూడో స్థానంలో స్టీవ్ స్మిత్ను తీసుకుంది. బాల్ టాంపరింగ్ కారణంగా ఏడాది నిషేధానికి గురైన స్మిత్.. కెప్టెన్సీ నుంచి తప్పుకున్న విషయం తెలిసిందే. ఒకవైపు ఫించ్, మరోవైపు పైనీ ఆసీస్ జట్టును సమర్ధవంతంగా నడిపిస్తుండడంతో.. స్మిత్కు కెప్టెన్సీ ఇవ్వాలనే డిమాండ్లు తగ్గాయి.
ఫించ్ ఆశ్చర్యం
మార్నస్ లబుషేన్, అలెక్స్ క్యారీ (వికెట్ కీపర్), గ్లెన్ మాక్స్వెల్ మిడిల్ భారాన్ని మోయనున్నారని పాక్స్ క్రికెట్ తెలిపింది. కామెరూన్ గ్రీన్కు కూడా పాక్స్ క్రికెట్ చోటిచ్చింది. అస్గన్ అగర్, మిచెల్ స్టార్క్, పాట్ కమిన్స్, ఆడమ్ జంపాలను బౌలర్ల జాబితాలో ఎంపిక చేసుకుంది. జట్టులో తన పేరు లేకపోవడంపై అరోన్ ఫించ్ ట్విట్టర్ టైమ్లైన్ ద్వారా ఆశ్చర్యం వ్యక్తం చేశాడు. స్మిత్ తర్వాత వన్డే, టీ20 కెప్టెన్సీ పగ్గాలు ఫించ్ అందుకున్న విషయం తెలిసిందే.
పాక్స్ క్రికెట్ జట్టు ఇదే
డేవిడ్ వార్నర్, జోష్ పిలిప్, స్టీవ్ స్మిత్ (కెప్టెన్), మార్నస్ లబుషేన్, అలెక్స్ క్యారీ (వికెట్ కీపర్), కామెరూన్ గ్రీన్, గ్లెన్ మాక్స్వెల్, అస్గన్ అగర్, మిచెల్ స్టార్క్, పాట్ కమిన్స్, ఆడమ్ జంపా.