బెస్ట్ ఐపీఎల్ ఎలెవన్ vs బెస్ట్ పీఎస్‌ఎల్ ఎలెవన్.. గెలిచే సత్తా ఎవరిదో చెప్పిన మాజీ క్రికెటర్!

న్యూఢిల్లీ: కరోనా విపత్కర పరిస్థితుల నడుమ ఇండియన్ ప్రీమియర్ లీగ్(ఐపీఎల్) 2020 సీజన్ గ్రాండ్ సక్సెస్ అయింది. ప్రేక్షకులు లేకుండా ఖాళీ మైదానాల్లో జరిగినా.. రికార్డు వ్యూయర్‌షిప్‌ సాధించింది. టైటిల్ ఫైట్‌లో ఢిల్లీ క్యాపిటల్స్‌ను ఓడించిన డిఫెండింగ్ చాంపియన్ ముంబై ఇండియన్స్ మరోసారి టైటిల్ నిలబెట్టుకుంది. మరోవైపు కరోనా అడ్డంకితో అర్ధాంతరంగా నిలిచిపోయిన పాకిస్థాన్ ప్రీమియర్ లీగ్(పీఎస్‌ఎల్) కూడా దిగ్విజయంగా ఇటీవలే ముగిసింది.

ఇమాద్ వాసిమ్ నేతృత్వంలోని కరాచీ కింగ్స్ తొలి సారి టైటిల్ ముద్దాడింది. ఈ రెండు సూపర్ లీగ్స్ బ్యాక్ టు బ్యాక్ ముగియడంతో అభిమానులు, విశ్లేషకులు వీటి మధ్య పోలిక తెస్తున్నారు. ఈ నేపథ్యంలోనే టీమిండియా మాజీ ఓపెనర్ ఆకాశ్ చోప్రా ఈ రెండు లీగ్స్ బెస్ట్ టీమ్స్‌ను ఎంపిక చేసి వాటిలో గెలిచే సత్తా ఎవరిదో తెలియజేశాడు.

బాబర్ ఆజామ్..

బాబర్ ఆజామ్..

తన యూట్యూబ్ చానెల్ వేదికగా ఈ రెండు లీగ్స్‌ను విశ్లేషించిన చోప్రా.. రెండు అత్యుత్తమ జట్లను ఎంపిక చేశాడు. పీఎస్‌ఎల్ ఫైనల్లో అదరగొట్టిన పాకిస్థాన్ పరిమిత ఓవర్ల కెప్టెన్ బాబర్ ఆజమ్‌ను తీసుకున్న చోప్రా.. ఫకార్ జమాన్, అలెక్స్ హెయిల్స్, మహ్మద్ హఫీజ్, బెన్ డంక్‌లతో బ్యాటింగ్ విభాగాన్ని పూర్తి చేశాడు. ఇమాద్ వాసిమ్, డేవిడ్ వీస్‌లను ఆల్‌రౌండర్లుగా తీసుకున్నాడు. హారీస్ రౌఫ్, మహ్మద్ హస్‌నైన్, షాహిన్ అఫ్రిదిలను ప్రధాన పేసర్లుగా ఎంచుకున్న చోప్రా.. ఇమ్రాన్ తాహిర్‌ను స్పెషలిస్ట్ స్పిన్నర్‌గా తీసుకున్నాడు.

నో కోహ్లీ, రోహిత్..

నో కోహ్లీ, రోహిత్..

ఇక ఐపీఎల్ అత్యుత్తమ జట్టులో టీమిండియా కెప్టెన్ విరాట్ కోహ్లీ, పరిమిత ఓవర్ల వైస్ కెప్టెన్ రోహిత్ శర్మలను పక్కనపెట్టిన ఈ మాజీ క్రికెటర్.. శిఖర్ ధావన్, సూర్యకుమార్ యాదవ్, ఏబీ డివిలియర్స్, ఇషాన్ కిషన్‌లతో బ్యాటింగ్ లైనప్‌ను పూర్తి చేశాడు. రాహుల్ తెవాటియా, జోఫ్రా ఆర్చర్‌లను ఆల్‌రౌండర్‌గా తీసుకున్న చోప్రా.. కగిసోరబడా, జస్‌ప్రీత్ బుమ్రాలను ప్రధాన బౌలర్లుగా ఎంచుకున్నాడు. ఇక చాహల్‌, రషీద్ ఖాన్‌ను స్పెషలిస్ట్ స్పిన్నర్లుగా తీసుకున్నాడు.

 గెలుపు ఐపీఎల్ టీమ్‌దే..

గెలుపు ఐపీఎల్ టీమ్‌దే..

ఈ రెండు అత్యుత్తమ జట్లు సమతూకంగా ఉన్నప్పటికీ మ్యాచ్ జరిగితే ఐపీఎల్ 2020 బెస్ట్ ఎలెవన్ గెలుస్తుందని చోప్రా అభిప్రాయపడ్డాడు. జోఫ్రా ఆర్చర్, జస్‌ప్రీత్ బుమ్రా, కగిసో రబడా పేస్ త్రయాన్ని పీఎస్‌ఎల్ బెస్ట్ ఎలెవన్ ఎదుర్కోవడం కష్టమన్నాడు. రషీద్ ఖాన్ స్పిన్ మాయజాలం కూడా ఐపీఎల్ టీమ్‌కు ప్లస్ అని పేర్కొన్నాడు. అయితే ఐపీఎల్ టీమ్‌లో ఏబీడీ, శిఖర్ ధావన్ ఉంటే.. పీఎస్‌ఎల్‌లో ఫకార్ జమాన్, మహ్మద్ హఫీజ్ ఉన్నారని తెలిపాడు.

ఆకాశ్ చోప్రా బెస్ట్ టీమ్స్..

ఆకాశ్ చోప్రా బెస్ట్ టీమ్స్..

ఐపీఎల్ 2020 బెస్ట్ ఎలెవన్: కేఎల్ రాహుల్, శిఖర్ ధావన్, సూర్య కుమార్ యాదవ్, ఏబీ డివిలియర్స్, ఇషాన్ కిషన్, రాహుల్ తెవాటియా, జోఫ్రా ఆర్చర్, రషీద్ ఖాన్, యుజ్వేంద్ర చాహల్, జస్‌ప్రీత్ బుమ్రా, కగిసో రబడా

పీఎస్‌ఎల్ 2020 బెస్ట్ ఎలెవన్: బాబర్ ఆజమ్, ఫకార్ జమాన్, అలెక్స్ హేల్స్, మహ్మద్ హఫీజ్, బెన్ డంక్, ఇమాద్ వసీమ్, డేవిడ్ వైసీ, ఇమ్రాన్ తాహిర్, హారిస్ రౌఫ్, మహ్మద్ హస్‌నైన్, షాహిన్ అఫ్రిది

For Quick Alerts
ALLOW NOTIFICATIONS
For Daily Alerts
 
Story first published: Monday, November 23, 2020, 13:30 [IST]
Other articles published on Nov 23, 2020
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X