సునీల్ గవాస్కర్ ఇలా
దీంతో సెలక్టర్లు తీసుకున్న నిర్ణయంపై సునీల్ గవాస్కర్ స్పందించాడు. సోమవారం ఇండియా టుడేకి ఇచ్చిన ఇంటర్యూలో సునీల్ గవాస్కర్ మాట్లాడుతూ "పంత్ ఫామ్ని చూస్తే ఆశ్చర్యాన్ని కలిగించింది. ఐపీఎల్, అంతకు ముందు మ్యాచుల్లోనూ పంత్ అద్భుతంగా బ్యాటింగ్ చేశాడు. వికెట్ కీపింగ్లో కూడా మంచి పరిణితి సాధించాడు" అని అన్నాడు.
జట్టుకు ఎంతగానో
"'టాపార్డర్లో ఒక లెఫ్ట్ హ్యాండ్ బ్యాట్స్మెన్ ఆడటం జట్టుకు ఎంతగానో ఉపయోగపడేది. ఎందుకంటే, లెఫ్ట్ హ్యాండ్ బ్యాట్స్మెన్ ఉంటే బౌలర్లు తమ లైన్ని మార్చుకోవాలి, కెప్టెన్ సైతం ఫీల్డింగ్ను పూర్తిగా మార్చాల్సి ఉంటుంది. రిషబ్ పంత్ ఐపీఎల్లోనూ మంచి ప్రదర్శన చేశాడు. ఇప్పటికే 245 పరుగులు చేశాడు. కార్తీక్ కేవలం 111 పరుగులే చేశాడు" అని గవాస్కర్ అన్నాడు.
మంచి వికెట్ కీపర్ కావాలి
"వరల్డ్కప్ ఆడే సమయంలో ధోనికి జలుబు చేసి, ఆడలేని పరిస్థితిలో ఉంటే అతడి స్థానంలో ఓ మంచి వికెట్ కీపర్ కావాలి. కార్తీక్ ఒక మంచి వికెట్ కీపర్. అందుకే అతడికి జట్టులో చోటు దక్కింది అని అనుకుంటున్నా" అని గవాస్కర్ అన్నాడు. సన్నీతో పాటు టీమిండియా మాజీ ఆటగాళ్లు ఆకాశ్ చోప్రా, సంజయ్ మంజ్రేకర్ కూడా పంత్కు జట్టులో దక్కకపోవడంపై నిరాశచెందారు.