క్రెయిగ్ రికార్డు బద్దలు: ఆస్ట్రేలియా గడ్డపై పాక్ పేసర్ అరుదైన ఘనత

ఆసీస్ గడ్డపై అరంగేట్రం రికార్డు

ఇప్పుడు ఆ రికార్డుని నసీమ్ షా బద్దలు కొట్టాడు. అంతేకాదు ఆరు దశాబ్లాత తర్వాత ఆస్ట్రేలియా గడ్డపై పిన్న వయసులో టెస్టు అరంగేట్రం చేసిన రికార్డుని నసీమ్‌ తన ఖాతాలో వేసుకున్నాడు. ఆప్ఘనిస్థాన్‌ బోర్డర్‌లోని దిర్ జిల్లాకు చెందిన నసీమ్ షా ఇప్పటివరకు పాక్ తరుపున ఏడు ఫస్ట్ క్లాస్ మ్యాచ్‌లు ఆడి 27 వికెట్లు పడగొట్టాడు.

నసీమ్ షావైపే మొగ్గు చూపిన జట్టు మేనేజ్‌మెంట్

గురువారం అడిలైడ్ వేదికగా ప్రారంభమైన తొలి టెస్టులో పేస్ బౌలింగ్ స్లాట్ కోసం ముగ్గురు టీనేజర్లు ముహమ్మద్ ముసా, షాహిన్ అఫ్రిది, నసీమ్ షా పోటీ పడ్డారు. అయితే, జట్టు మేనేజ్‌మెంట్ నసీమ్ షావైపే మొగ్గు చూపింది. దీంతో తొలి టెస్టులో సీనియర్ పేసర్లు ముహమ్మద్ అబ్బాస్, ఇమ్రాన్ ఖాన్‌లతో నసీమ్ బంతిని పంచుకున్నాడు.

టాస్ గెలిచి బ్యాటింగ్ ఎంచుకున్న పాక్

ఈ మ్యాచ్‌లో టాస్ గెలిచి తొలుత బ్యాటింగ్ ఎంచుకున్న పాకిస్థాన్ తొలి టెస్టు మొదటి ఇన్నింగ్స్‌లో 240 పరుగులకు ఆలౌటైంది. పాక్ బ్యాట్స్‌మెన్లలో అసాద్‌ షఫీక్‌(76) హాఫ్ సెంచరీతో రాణించగా కెప్టెన్‌ అజహర్‌ అలీ(39), మహ్మద్‌ రిజ్వాన్‌(37)లు ఫర్వాలేదనిపించారు.

నాలుగు వికెట్లు తీసిన స్టార్క్

ఆస్ట్రేలియా బౌలర్లలో మిచెల్‌ స్టార్క్‌ నాలుగు వికెట్లు పడగొట్టగా, ప్యాట్‌ కమిన్స్‌ మూడు, హజల్‌వుడ్‌కు రెండు, నాథన్‌ లియన్‌కు ఒక వికెట్ లభించింది. పాకిస్థాన్ ఆలౌట్ కాగానే తొలి రోజు ఆట ముగిసింది.