చెత్త డబ్బాల సేకరణ: యాషెస్ మ్యాచ్‌ని వీక్షించడం కోసం ఓ చిన్నారి సాహసం

యుకేకు తీసుకెళ్తానని చెప్పిన తండ్రి

డామియన్ వెయిట్ 1500 ఆస్ట్రేలియన్ డాలర్లు సంపాదిస్తే కుమారుడిని లండన్‌కు తీసుకెళ్తానని చెప్పాడు. దీంతో మాక్స్ అతడి తల్లి వీకెండ్స్‌లో పొరుగువారి చెత్త డబ్బాలను బయటకు తీయాలనే ఆలోచనతో ముందుకు వచ్చారు. ఇంకేముంది ప్రతి వీకెండ్స్‌లో పొరుగువారి చెత్త డబ్బాలను ఒక ఆస్ట్రేలియా డాలర్‌కు తీయాలని నిర్ణయించుకున్నారు.

పొరుగువారి చెత్త డబ్బాలను తీసి

ఇలా నాలుగేళ్ల పాటు వారిద్దరూ పొరుగువారి చెత్త డబ్బాలను తీసి వారికి కావాల్సిన 1500 ఆస్ట్రేలియన్ డాలర్లను సంపాదించారు. ఈ విషయాన్ని తండ్రికి తెలియజేయడంతో మాంచెస్టర్ వేదికగా ఇంగ్లాండ్‌తో జరుగుతున్న నాలుగో టెస్టును ప్రత్యక్షంగా వీక్షించే విధంగా మాక్స్ తండ్రి టికెట్లను బుక్ చేశాడు.

మాజీ క్రికెట్ దిగ్గజాలతో కలుసుకునే అవకాశం

ఈ విషయం తెలుసుకున్న క్రికెట్ ఆస్ట్రేలియా మాక్స్‌ను ఆస్ట్రేలియా మాజీ క్రికెట్ దిగ్గజాలతో కలుసుకునే ఏర్పాటు చేసింది. మాక్స్ మాట్లాడుతూ "స్టీవ్ వా, జస్టిన్ లాంగర్, నాథన్ లయాన్ పక్కనే కూర్చున్నాను. నాలుగో టెస్టుకు సంబంధించిన ప్లాన్ బుక్‌ను కోచ్ జస్టిన్ లాంగర్ నాకు చూపించారు. స్టీవా వాతో మాట్లాడటం అమేజింగ్" అని చెప్పుకొచ్చాడు.

స్టీవ్ స్మిత్‌తో మాట్లాడటం

దీంతో పాటు అతడికి ఇష్టమైన ఇద్దరు ఆటగాళ్లను మాక్స్ కలిశాడు. "స్టీవ్ స్మిత్, ప్యాట్ కమ్మిన్స్ నా ఫేవరేట్ క్రికెటర్లు. గేమ్‌కు ఎలా సన్నద్ధమవుతారు, ఎలా ఆడతారు అనే దాని గురించి నేను వారితో మాట్లాడాను. నాకెంతో సంతోషంగా అనిపించింది" అని మాక్స్ తెలిపాడు. ఆటలో రెండో రోజైన గురువారం లంచ్ విరామ సమయంలో ఆసీస్ పేసర్ జేమ్స్ ప్యాటిన్సన్ మాక్స్‌కు సంతకం చేసిన జెర్సీని అందించాడు.