మలేషియా గ్రాండ్ ప్రి విజేత తెలుగుతేజం సింధు

కోల్‌కతా: భారత వర్ధమాన సంచలనం, తెలుగుతేజం పివి సింధు మలేషియా ఓపెన్ గ్రాండ్ ప్రి గోల్డ్ టైటిల్‌ను కైవసం చేసుకుంది. శనివారం జరిగిన ఫైనల్లో ఆమె సింగపూర్ షట్లర్ జువాన్‌జుపై 21 - 17, 17-21, 21-19 స్కోరుతో విజయం సాధించింది. ఈ టైటిల్‌ను సింధు గెలుచుకోవడం ఇదే మొదటిసారి. హోరాహోరీ జరిగిన మ్యాచులో సింధు విజయం సాధించింది. ఇరువురి మధ్య పోరు గంటా 11 నిమిషాల పాటు సాగింది. సైనా నెహ్వాల్ తర్వాత సింధు బ్యాడ్మింటన్‌లో ముందుకు వస్తోంది.

పివి సింధు మలేసియా గ్రాండ్ ప్రీ గోల్డ్ బ్యాడ్మింటన్ టైటిల్‌ టోర్నీలో ఏకైక భారత ఆశాకిరణం సింధు శుక్రవారం మహిళల సింగిల్స్ ఫైనల్లో ప్రవేశించింది. శుక్రవారం జరిగిన సెమీస్‌లో హైదరాబాదీ 21-17, 21-11 స్కోరుతో మూడోసీడ్ సప్సిరీ టయెరటనచయ్ (థాయ్‌లాండ్)ను చిత్తుచేసింది. సింధు 34 నిమిషాల్లోనే వరుస గేమ్‌ల్లో అవలీలగా నెగ్గింది.

సప్సిరీతో సెమీస్ పోరు ఆరంభంలో సింధు వెనకబడింది. తొలిగేమ్‌లో సప్సిరీ 16-10తో ముందంజ వేసింది. ఈ ద శలో అనూహ్యంగా పుంజుకున్న హైదరాబాదీ వరుసగా 9 పాయింట్లు సాధించి 19-10 ఆధిక్యంలో నిలిచింది.

ఆ తర్వాత ఒకే పాయింట్ కోల్పోయిన సింధు వరుసగా రెండు పాయింట్లు నెగ్గి తొలి గేమ్‌ను సొంతం చేసుకుంది. ఇక రెండో గేమ్‌లో సింధు వెనుదిరిగి చూసుకోలేదు. ఆద్యంతం తిరుగులేని ఆధిక్యం ప్రదర్శించింది.