హాంకాంగ్ ఓపెన్: యమగూచిని ఓడించి సెమీ పైనల్స్‌కు సింధు

హైదరాబాద్: హాంకాంగ్‌ ఓపెన్‌ బ్యాడ్మింటన్‌ సూపర్‌ సిరీస్‌ టోర్నీ భారత స్టార్‌ షట్లర్‌ పీవీ సింధు సెమీఫైనల్లోకి దూసుకెళ్లింది. శుక్రవారం జరిగిన క్వార్టర్‌ ఫైనల్లో జపాన్‌ అగ్రశ్రేణి క్రీడాకారిణి అకానె యమగూచితో 19-21, 12-21 తేడాతో సింధు నెగ్గింది.

మ్యాచ్‌ ఆరంభం నుంచి సింధు దూకుడుగా ఆండింది. తొలి గేమ్‌లో ప్రత్యర్థి పుంజుకోవడానికి సింధు ఏమాత్రం అవకాశం ఇవ్వలేదు. దీంతో 21-12తో తొలి గేమ్‌ను సొంతం చేసుకుంది. ఇక, రెండో గేమ్‌ మాత్రం ఇద్దరి మధ్య హోరాహోరీగా సాగింది.

ఉత్కంఠగా సాగిన ఈ గేమ్‌ను సింధు 21-19తో సొంతం చేసుకుని మ్యాచ్‌ని కూడా సొంతం చేసుకుంది. ఇప్పటి వరకు వీరిద్దరూ ఆరు సార్లు తలపడగా చెరో మూడు మ్యాచ్‌లు గెలిచారు. ఈ ఏడాది అక్టోబరులో జరిగిన ఫ్రెంచ్‌ ఓపెన్‌లో యమగూచి చేతిలో సింధు ఓడిపోయిన సంగతి తెలిసిందే.

తెలుగులో అన్ని క్రీడావార్తల కోసం 'మై-ఖేల్ తెలుగు'ను ఫేస్‌బుక్, ట్విటర్ , గూగుల్ ప్లస్‌లో ఫాలో అవ్వండి.