హాంగ్ కాంగ్ ఓపెనే సైనా వశం, ప్రపంచ నంబర్ వన్ ర్యాంకు చేరువలో సైనా

హాంగ్ కాంగ్: భారత బ్యాడ్మింటన్ క్రీడాకారిణి సైనా నెహ్వాల్ ఆదివారం హాంగ్ కాంగ్ ఓపెన్ సిరీస్ ను గెలుచుకొని భారత్ సత్తా చాటింది. చైనా క్రీడాకారిణి షిజియాన్ వాంగ్ పై గెలుపొందిన సైనా హాంగ్ కాంగ్ ఓపెన్ గెలుపొందడంతో తన కలల కిరీటమైన ప్రపంచ నెంబర్ వన్ ర్యాంకింగ్ కు మరింత చేరువయ్యింది. మొదటి సిరీస్ లో 15-21తో ఓడిపోయినప్పటికీ రెండు, మూడు సిరీస్ లలో 21-16, 21-17తో వరుసగా రెండు సెట్లు నెగ్గింది. మొదటి సెట్టు కోల్పోయినప్పటికీ రెండు, మూడు సెట్లకు సైనా ఎలాంటి ఒత్తిడికి గురి కాకుండా ఆడింది. దీంతో 2-1తో టైటిల్ ను సాధించింది.

ఇంతకుముందు ఓ సిరీస్ లో షిజియాన్ వాంగ్ తో సైనా ఓడింది. ఇప్పుడు ఆమెను ఓడించి తన ప్రతీకారాన్ని తీర్చుకుంది. బ్యాడ్మింటన్ లో చైనా అధిపత్యానికి గండికొట్టి సైనా నెంబర్ వన్ ర్యాంకింగ్ సొంతం చేసుకుని తద్వారా భారత్ సత్తా చాటేందుకు ప్రయత్నాలు చేస్తోంది. ఈ సంవత్సరం 4 సూపర్ సిరీస్ టైటిల్స్ ను సైనా సొంతం చేసుకుంది. ఏ ఇతర క్రీడలలో కూడా భారత క్రీడాకారిణులు వరల్డ్ నెంబర్ వన్ ర్యాంకును సాధించలేక పోయారు. సైనా ఈ సిరీస్ కు ముందు 4వ ర్యాంకులో ఉన్నారు. కానీ దానిని సైనా సాధించింది.