బ్యాడ్మింటన్ క్రీడాకారిణిగా
జ్వాలా గుత్తా... బ్యాడ్మింటన్ క్రీడాకారిణిగా మాత్రమే కాకుండా ఓ తెలుగు సినిమాలోని ఐటమ్ సాంగ్లో మెరిసింది. నితిన్ హీరోగా వచ్చిన 'గుండె జారి గల్లంతయ్యిందే' సినిమాలోని ఓ పాటలో గెస్ట్ అప్పియరెన్స్ ఇచ్చింది. దీంతో గుత్తా జ్వాల సినిమా ఇండస్ట్రీలో సెటిలవ్వాలనుకుంటోందనే వార్తలు తెరపైకి వచ్చాయి. అయితే ఆ దిశగా ప్రయత్నాలను ఆమె చేయలేదు.
|
తెరపైకి గుత్తా జ్వాలా పేరు
త్వరలో బిగ్ బాస్ తెలుగు సీజన్ 3 ప్రారంభం కాబోతున్న నేపథ్యంలో మరోసారి గుత్తా జ్వాలా పేరు తెరపైకి వచ్చింది. ఈ సీజన్లో గుత్తా జ్వాలా కూడా పాల్గొనబోతోందనే వార్తలు సోషల్ మీడియాలో వైరల్ అయ్యాయి. ఈ వార్తలతో ఆగ్రహానికి గురైన జ్వాల ట్విట్టర్ వేదికగా స్పందించారు. "నేను బిగ్ బాస్ చేయడం లేదు, అవి రూమర్స్ మాత్రమే" అని ట్వీట్ చేశారు.
రెమ్యూనరేషన్ విషయంలో డీల్ కుదరకే
అయితే, రెమ్యూనరేషన్ విషయంలో డీల్ కుదరకే గుత్తా జ్వాలా ఈ రియాల్టీ షో నుంచి తప్పుకుందనే వార్తలు కూడా వినిపిస్తున్నాయి. ఏది అయితేనేం కారణాలు ఏమైనప్పటికీ ‘బిగ్ బాస్ తెలుగు 3'లో గుత్తా జ్వాలా కనిపించడం లేదని తేలింది. అయితే, ఈ రియాలిటీ షోలో పాల్గొనేది ఎవరో త్వరలో అధికారికంగా వెల్లడికానుంది.