డెన్మార్క్ ఓపెన్: ప్రపంచ నెం.1 సైనా నిష్క్రమణ

ఒడెన్స్: డెన్మార్క్ ఓపెన్ బాడ్మింటన్ టోర్నీ మహిళల సింగిల్స్ నుంచి ప్రపంచ నంబర్ వన్, హైదరాబాదీ సైనా నెహ్వాల్ నిష్క్రమించింది. రెండో రౌండ్‌లోనే ఆమె ఓటమిపాలుకావడం అభిమానులను నిరాశ పరచింది.

జపాన్ క్రీడాకారిణి మినాత్సు మితానీ 21-18, 21-13 స్కోరుతో సైనాను వరుస సెట్లలో ఓడించి సంచలనం సృష్టించింది. పురుషుల సింగిల్స్ నుంచి భారత ఆటగాళ్లు హెచ్‌ఎస్ ప్రణయ్, కిడాంబి శ్రీకాంత్ పరాజయాలను ఎదుర్కొని నిష్క్రమించారు.

For World No.1 Saina Nehwal, it’s over & out in Round 2 at the Denmark Open

ప్రపంచ ర్యాంకింగ్స్‌లో 16వ స్థానంలో ఉన్న ప్రణయ్ మొదటి రౌండ్‌లోసు జెన్ హావో (చైనీస్ తైపీ) చేతిలో 21-23, 21-19, 15-21 తేడాతో ఓటమిపాలయ్యాడు.

కాగా, ప్రపంచ ర్యాంకింగ్స్‌లో ఐదో స్థానంలో ఉన్న హైదరాబాదీ శ్రీకాంత్‌ను ఇండోనేషియాకు చెందిన టామీ సుగియార్తో 21-15, 21-17 తేడాతో వరుస సెట్లలో ఓడించి రెండో రౌండ్‌కు దూసుకెళ్లాడు.

పురుషుల డబుల్స్ విభాగంలో మనూ అత్రి, సుమీత్ రెడ్డి ప్రస్థానం ముగిసింది. వీరిపై లీ షాంగ్ మూ, సయ్ చియా సిన్ జోడీ 21-19, 20-22, 21-19 తేడాతో గెలుపొందింది.